Gwibdaith Hen Frân
 | |
| Enghraifft o: | band  |
|---|---|
| Gwlad |  Cymru |
| Dynodwyr | |
Band acwstig gwerin amgen o ardal Blaenau Ffestiniog oedd Gwibdaith Hen Frân
Cefndir
[golygu | golygu cod]Ffurfiodd y band yn 2006, gan esblygu o chwarae yn nhafarndai Bro Ffestiniog i wyliau cerddorol megis Gŵyl Car Gwyllt, Tân y Ddraig, Maes B, a Sesiwn Fawr Dolgellau yn 2007. Daeth yr ysbrydoliaeth i enw'r band drwy ddylanwad y band Old Crow Medicine Show ac er cof am Jac y Frân, anifail anwes Phil, un o'r aelodau.
Rhyddhawyd eu halbwm gyntaf, Cedors Hen Wrach yn 2007 ar label Rasal. Lansiwyd eu hail albwm, Tafod Dy Wraig yn Haf 2008 a dilynodd eu trydydd albwm, Llechan Wlyb ym mis Mai 2010.
Ym mis Tachwedd 2010, cyhoeddodd dau o aelodau Gwibdaith Hen Frân - Paul Thomas a Robert Ifan Buckley - eu bod yn bwriadu gadael y band. Fodd bynnag, cyhoeddodd Philip Lee Jones y buasai Gwibdaith Hen Frân yn parhau i berfformio hyd yn oed pe bai'r ddau yn gadael.
Ymunodd 3 aelod newydd â'r band ym mis Rhagfyr 2010; sef Justin Allen Davies (Mandolin / Harmonica), Gary Richardson (Gitâr Fas), ac Ieuan Williamson (Banjo), ac yn dilyn bron i dair mlynedd o deithio a pherfformio rhyddhawyd eu 4ydd albwm Yn Ôl ar y Ffordd ym mis Awst 2013.
Yn 2021, cyhoeddodd y grŵp eu bod yn rhoi'r gorau i berfformio gyda'i gilydd.[1] Er hynny parhaodd y band i berfformio ar rai achlysuron. Yn 2025 perfformiodd y band yn Tafwyl ac Eisteddfod Genedlaethol Wrecsam. Yn Medi 2025 cyhoeddwyd y byddai'r band yn dod i ben yn barhaol. Roedd aelodau'r band yn byw yn bell o'i gilydd, a felly prin oedd yr amser i ymarfer. Chwaraeodd y grŵp eu gig olaf yng Nghanolfan Celfyddydau Pontardawe ar nos Sadwrn, 27 Medi 2025.[2]
Aelodau
[golygu | golygu cod]- Philip Lee Jones - llais, iwcalili. Hefyd yn aelod o fand Twmffat, a chyn-aelod o fandiau Mim Twm Llai, Estella, Vates, Jac ac Y Mistêcs.
- Gethin Thomas - llais, gitâr acwstig.
- Paul Thomas - llais, gitâr acwstig
- Robert Buckley - bâs dwbl
Cyn-aelodau
[golygu | golygu cod]- Gary Richardson - gitâr fas. Hefyd yn gyn-aelod o fand Gai Tom a Mim Twm Llai.
- Ieuan Williamson - banjo
- Justin Davies - mandolin, harmonica. Hefyd yn gyn-aelod o Twmffat a Anweledig.
- Neil Williams - bas dwbl. Hefyd yn gyn-aelod o Maffia Mr Huws.
Disgyddiaeth
[golygu | golygu cod]- Cedors Hen Wrach (2007, Rasal)
- Cân am Sana' (2007, Sain)
- Tafod Dy Wraig (2008, Sain)
- Llechan Wlyb (2010, Sain)
- Yn Ôl ar y Ffordd (2013, Rasal)
Cyfeiriadau
[golygu | golygu cod]- ↑ "Gwibdaith Hen Fran". www.facebook.com (yn Saesneg). Cyrchwyd 2021-09-14.
- ↑ "Gwibdaith Hen Frân wedi perfformio 'am y tro olaf'". newyddion.s4c.cymru. 2025-09-29. Cyrchwyd 2025-09-29.