Gweriniaeth Islamaidd

Oddi ar Wicipedia
Neidio i: llywio, chwilio

Mae gweriniaeth Islamaidd, yn ei chyd-destun cyfoes, wedi dod i olygu sawl peth, weithiau'n wrthgyferbyniol i'w gilydd.

Mewn damcaniaeth, ym marn rhai arweinwyr crefyddol ym myd Islam, mae'n wladwriaeth dan reolaeth ffurf llywodraeth neilltuol a gefnogir fan rhai arweinwyr Muslim yn y Dwyrain Canol ac Affrica. Mae nifer o'r arweinwyr hyn yn ei gweld fel cyfaddawd rhwng y cysyniad o galiffiaeth Islamaidd bur ar y naill law, a chenedlaetholdeb fodern seciwlar a gweriniaetholdeb ar y llaw arall. Yn ôl y cysyniad hwn, mae'r weriniaeth Islamaidd yn seiledig ar reolau cyfraith a threfn traddodiadol a gynrychiolir gan y deddfau Sharia, yn hytrach nag ar awdurdod brenhiniaeth Islamaidd fel ag a geir mewn rhai gwledydd fel Saudi Arabia ar hyn o bryd; Iran yw'r model i nifer o bobl sy'n credu mewn hynny. Ond ceir enghreifftiau eraill lle defnyddir yr enw 'gweriniaeth Islamaidd' fel symbol o hunaniaeth diwylliannol, heb fod yn wnelo â syniadau theocrataidd, fel yn achos Pacistan, a fabywsiadodd y teitl dan ei chyfansoddiad newydd yn 1956.

Gweler hefyd[golygu]

Society.svg Eginyn erthygl sydd uchod am wleidyddiaeth. Gallwch helpu Wicipedia drwy ychwanegu ato.
Islam template b.svg Eginyn erthygl sydd uchod am Islam. Gallwch helpu Wicipedia drwy ychwanegu ato.