Gottlob Frege
Oddi ar Wicipedia
Mathemategwr Almaenig a ddaeth yn rhesymegwr ac athronydd oedd Friedrich Ludwig Gottlob Frege (8 Tachwedd 1848 – 26 Gorffennaf 1925). Fe'i ystyrir yn un o sylfaenwyr rhesymeg fodern, a mawr oedd ei gyfraniad i sylfeini mathemateg. Fel athronydd, fe'i ystyrir yn un o gonglfeini athroniaeth ddadansoddol, am ei waith ar athroniaeth iaith a mathemateg. Pan gyhoeddodd ei weithiau fodd bynnag, cafodd ei anwybyddu i raddau helaeth gan y byd deallusol, ond cyflwynodd Giuseppe Peano (1858–1932) a Bertrand Russell (1872–1970) ei waith i genhedlaethau diweddarach o resymegwyr ac athronwyr.
