Gorsaf Reilffordd Harbwr Porthmadog

Oddi ar Wicipedia
Jump to navigation Jump to search
Gorsaf reilffordd Harbwr Porthmadog
FR PHS Palmerston & link crop.jpg
Math Gorsaf reilffordd Edit this on Wikidata
Daearyddiaeth
Sir Porthmadog Edit this on Wikidata
Gwlad Baner Cymru Cymru
Cyfesurynnau 52.9239°N 4.127°W Edit this on Wikidata
Mountaineer yn gadael Porthmadog

Gorsaf reilffordd yn nhref Porthmadog, Gwynedd, yw Gorsaf Reilffordd Harbwr Porthmadog, sy'n derminws i ddwy reilffordd, sef Rheilffordd Ffestiniog - a dechreuwyd ym 1836 i gludo llechi o Flaenau Ffestiniog i Borthmadog - a Rheilffordd Eryri, sy'n cysylltu Porthmadog a Chaernarfon.

Hanes[golygu | golygu cod y dudalen]

Saif yr orsaf ar ben gorllewin Y Cob, a adeiladwyd yn 1842 ar draws y Traeth Mawr, Agorwyd yr orsaf ar 6 Ionawr 1865. Defnyddwyd yr orsaf gan drenau Reilffordd Eryri o 1923 hyd at 1936. Ailenwyd yr orsaf 'Portmadoc Old' ym1923, i'w gwahanieithi o 'Portmadoc New', adeiladwyd ar groesfan rhwng Rheilffordd Eryri a Lein Arfordir Cambrian. Daeth yr orsaf 'Portmadoc Harbour' eto yn llawrlyfr Bradshaw 1930[1]. Caewyd yr orsaf i deithwyr ar 15 Medi 1939.

Ailagorwyd yr orsaf i deithwyr ar Reilffordd Ffestiniog yn ei newydd wedd ar 23 July 1955 gan Janet Jones, Brenhines Twristiaeth Cymru[1].

Ailagorwyd Rheilffordd Eryri hyd at Borthmadog yn 2011. Cwblhawyd platfform newydd ar gyfer trenau Rheilffordd Eryri yn 2014, ar ôl gwaith yn costio £1.3 miliwn o bunnau.[2] Lledwyd Y Cob yn ymyl yr orsaf er mwyn creu digon o le i'r platfform.[3]

Adeiladau[golygu | golygu cod y dudalen]

Yr Orsaf

Mae'r adeiladau cerrig presennol wedi disodli adeiladau pren cynharach, a defnyddiwyd ar safleoedd eraill ar y rheilffordd. Adeiladwyd y rhai presennol rhwng 1878 a 1879; ychwanegwyd y sied nwyddau ym 1880; fe'i cysylltwyd a'r hen adeilad nwyddau gan estyniad helaeth ym 1975. Mae cyfleusterau ar gyfer teithwyr yn cynnwys swyddfa ymholiadau a thocynnau, siop, caffi a bar. Yn yr adeilad mae swyddfeydd y cwmni hefyd.

Rhag-orsaf Heritage Railways  Reilffyrdd Cledrau Cul Yr Orsaf Ddilynol
Terminws   Rheilffordd Ffestiniog   Minffordd
Pont Croesor   Rheilffordd Eryri   Terminws
Locomotif Beyer Garratt yng ngorsaf Harbwr Porthmadog

Cyfeiriadau[golygu | golygu cod y dudalen]

  • Boyd, James I.C. (1975). The Festiniog Railway 1800 - 1974; Cyfrol. 1 - History and Route. Blandford: Gwasg Oakwood. ISBN 0-8536-1167-X. OCLC 2074549.
  • Boyd, James I.C. (1975). The Festiniog Railway 1800 - 1974; Cyfrol. 2 - Locomotives and Rolling Stock; Quarries and Branches: Rebirth 1954-74. Blandford: Gwasg Oakwood. ISBN 0-8536-1168-8.

Dolenni allanol[golygu | golygu cod y dudalen]


Template Railway Stop.svg Eginyn erthygl sydd uchod am orsaf reilffordd. Gallwch helpu Wicipedia drwy ychwanegu ato.