George Tyler

Oddi ar Wicipedia
Jump to navigation Jump to search
George Tyler
Ganwyd 28 Rhagfyr 1792 Edit this on Wikidata
Bu farw 4 Mehefin 1862 Edit this on Wikidata (69 oed)
Dinasyddiaeth Baner Cymru Cymru
Galwedigaeth gwleidydd Edit this on Wikidata
Swydd Aelod o 16eg Senedd y Deyrnas Unedig, Aelod o 15fed Senedd y Deyrnas Unedig Edit this on Wikidata
Plaid Wleidyddol Y Blaid Geidwadol Edit this on Wikidata
Tad Charles Tyler Edit this on Wikidata
Mam Margaret Leach Edit this on Wikidata
Priod Harriet Margaret Sullivan Edit this on Wikidata
Plant Louisa Tyler, Augustus Tyler, Harriet Georgina Tyler, Anne Maria Tyler, George Henry Tyler, Charles Frederick Tyler, Gwinnett Tyler, Edward Octavious Tyler, Alfred Tyler, John Hobart Tyler, St. Vincent Tyler, Caroline Tyler Edit this on Wikidata

Roedd Syr George Tyler KH, (28 Rhagfyr 1792 - 4 Mehefin 1862) yn swyddog yn Llynges Frenhinol Prydain, yn llywodraethwr trefedigaethol ac yn Aelod Seneddol Ceidwadol dros etholaeth Sir Forgannwg.[1]

Bywyd Personol[golygu | golygu cod y dudalen]

Ganwyd Tyler ym Mhenfro yn fab hynaf y Llyngesydd Charles Tyler.

Cafodd ei addysgu yng Ngholeg y Llynges Frenhinol Portsmouth.

Priododd, ar 21 Medi 1819, Harriet Margaret, merch y Gwir Anrh. John Sullivan, a'r Ledi Harriet, merch George, trydydd iarll Swydd Buckingham; bu iddynt saith mab a phedair merch. Roedd eu merch, Caroline, yn fam i Windham Henry Wyndham-Quin, AS De Morgannwg 1895 - 1906.[2]

Gyrfa[golygu | golygu cod y dudalen]

Wedi cyfnod o dair blynedd o hyfforddiant yng Ngholeg y llynges daeth Tyler yn aelod llawn o'r llynges ym 1809. Ym 1811 bu'n ymladd yn erbyn y llynges Ffrengig ym Mae Kiberen oddi ar arfordir Llydaw pan gollodd ei fraich dde, derbyniodd pensiwn gan y llywodraeth o £200 y flwyddyn am yr anaf, ond parhaodd ei yrfa yn y llynges[3]. Gwasanaethodd fel Rhaglaw'r Lluman ar long ei dad oddi ar arfordir Penrhyn Gobaith Da, De'r Affrig cyn cael ei godi'n Comander ym 1815 ac yn Gapten ym 1822. Rhwng 1833 a 1840 gwasanaethodd fel rhaglaw lywodraethwr Ynys St Vincent. Daeth yn llyngesydd wrth gefn ym 1852, ac yn is-lyngesydd ym 1857.

Gyrfa Wleidyddol[golygu | golygu cod y dudalen]

Pan ddyrchafwyd Edwin Wyndham-Quin i Dŷ'r Arglwyddi ym 1851 etholwyd Tyler yn ddiwrthwynebiad i'w olynu fel yr Aelod Seneddol Ceidwadol. Cadwodd ei sedd yn ddiwrthwynebiad yn etholiad 1852 ac ymneilltuodd o'r Senedd ar adeg etholiad 1857.[4]

Anrhydeddau[golygu | golygu cod y dudalen]

Penodwyd Tylor yn Farchog yn yr Urdd Guelphic ym 1833 a'i urddo'n Farchog ym 1838 fel cydnabyddiaeth am ei wasanaeth wrth drefnu rhyddfreinio caethion St Vincents.

Marwolaeth[golygu | golygu cod y dudalen]

Bu farw yng Nghastell Dwnrhefn, cartref y teulu Wyndham-Quin yn 69 mlwydd oed.

Cyfeiriadau[golygu | golygu cod y dudalen]

  1. J. K. Laughton, ‘Tyler, Sir Charles (1760–1835)’, Rev. Andrew Lambert, Oxford Dictionary of National Biography, Oxford University Press, 2004; online edn, Jan 2008 adalwyd 22 Ion 2017]
  2. "MAJORWYNDHAMQUINMPBEREAVED - Evening Express". Walter Alfred Pearce. 1898-10-22. Cyrchwyd 2017-01-23.
  3. "8LOCALlWTJfiLLItrxfiJNUllj - The Pembrokeshire Herald and General Advertiser". Joseph Potter. 1862-06-13. Cyrchwyd 2017-01-23.
  4. Williams, William Retlaw The parliamentary history of the principality of Wales, from the earliesr times to the present day, 1541-1895
Senedd y Deyrnas Unedig
Rhagflaenydd:
Edwin Wyndham-Quin
Aelod Seneddol Sir Forgannwg
18511857
Olynydd:
Henry Hussey Vivian