George North
| George North | |
|---|---|
 | |
| Ganwyd | 13 Ebrill 1992  Cymru |
| Dinasyddiaeth | y Deyrnas Unedig |
| Alma mater | |
| Galwedigaeth | chwaraewr rygbi'r undeb |
| Taldra | 193 centimetr |
| Pwysau | 109 cilogram |
| Chwaraeon | |
| Tîm/au | Tîm rygbi'r undeb cenedlaethol Cymru, Sgarlets, Northampton Saints, Y Llewod Prydeinig a Gwyddelig, Wales national under-18 rugby union team |
| Safle | Asgellwr |
Chwaraewr rygbi'r undeb yw George North (ganwyd 13 Ebrill 1992). Mae'n chwarae dros Gymru ac ers 2018 mae'n chwarae i glwb Y Gweilch.
Bywyd cynnar[golygu | golygu cod y dudalen]
Ganed George Philip North yn King's Lynn, Norfolk, Lloegr. Symudodd y teulu i Ynys Môn pan oedd George yn ddwy flwydd oed ac o ganlyniad mae yn siaradwr Cymraeg rhugl. Cafodd ei addysgu yn Ysgol Uwchradd Bodedern ac yng Ngholeg Llanymddyfri. Partner George yw'r seiclwraig Becky James.
Gyrfa glwb[golygu | golygu cod y dudalen]
Yn 2009, cynrychiolodd Gymru dan ddeunaw, gan chwarae fel canolwr. Cafodd ei alw i fod yn sgwad ddatblygu'r Sgarlets yn yr haf yn 2010, gan chwarae yng ngêm agoriadol 2010/11 Cynghrair Magners yn erbyn Benetton Treviso. Hyd at ei alw i'r tîm cenedlaethol, roedd wedi chwarae chwe gêm i dîm cyntaf y Sgarlets.
Ar ôl chwarae i'r Sgarlets o 2010-13 cadarnahwyd ar 9 Medi 2013 y byddai'n symud at dîm y Northampton Saints ar gytundeb o dair blynedd.[1] Yn 2018 symudodd i chwarae gyda'r Gweilch
Gyrfa ryngwladol[golygu | golygu cod y dudalen]
Wedi dechreuad addawol i dymor 2010, cafodd ei ddewis yn Hydref 2010 i sgwad o 33 ar gyfer cyfres ryngwladol yr Hydref. Enwyd ef ar 11 Tachwedd i chwarae dros Gymru yn erbyn De Affrica ar 13 Tachwedd, gan ei wneud y 3ydd chwaraewr ifancaf i gynrychioli Cymru ar ôl Tom Prydie a Norman Biggs ac yn gyfartal ag Evan Williams.
Gwnaeth George argraff ddofn yn ei gêm ryngwladol gyntaf ar ddydd Sadwrn 13 Tachwedd 2010 yn erbyn pencampwyr cyfredol y byd wrth sgorio dwy gais i Gymru yn Stadiwm y Mileniwm.
Enillodd ei ganfed cap dros ei wlad ar 27 Chwefror 2021 pan enillodd Cymru y Goron Driphlyg gyda buddugoliaeth o 40-24 yn erbyn Lloegr.[2]
Cyfeiriadau[golygu | golygu cod y dudalen]
- ↑ "BBC Sport - George North: Northampton sign Scarlets and Wales wing". Bbc.co.uk. 2013-04-09. Cyrchwyd 2013-04-30.
- ↑ Cymru’n dathlu’r Goron Driphlyg , Golwg360, 27 Chwefror 2021.
Dolenni allanol[golygu | golygu cod y dudalen]
- (Cymraeg) Proffil North ar wefan y Sgarlets Archifwyd 2012-06-09 yn y Peiriant Wayback.
- (Saesneg) "Scarlets wing George North makes Warren Gatland's Autumn squad" gan newyddion Walesonline