Fernán Caballero

Oddi ar Wicipedia
Jump to navigation Jump to search
Fernán Caballero
Retrato de Cecilia Böhl de Faber (Museo del Romanticismo de Madrid).jpg
FfugenwFernán Caballero Edit this on Wikidata
GanwydCecilia Francisca Josefa Böhl und Lütkens y Ruiz de Larrea Edit this on Wikidata
25 Rhagfyr 1796 Edit this on Wikidata
Morges Edit this on Wikidata
Bu farw7 Ebrill 1877 Edit this on Wikidata
Sevilla Edit this on Wikidata
DinasyddiaethSbaen Edit this on Wikidata
Galwedigaethysgrifennwr, arbenigwr mewn llên gwerin, nofelydd Edit this on Wikidata
Adnabyddus amQ77328763 Edit this on Wikidata
Arddullnofel Edit this on Wikidata
TadJuan Nicolás Böhl de Faber Edit this on Wikidata
MamFrasquita Larrea Edit this on Wikidata
PriodFrancisco de Paula Ruiz del Arco Edit this on Wikidata

Nofelydd ac awdur straeon byrion Sbaenaidd yn yr iaith Sbaeneg oedd Fernán Caballero (Cecilia Böhl von Faber, neu Cecilia Böhl de Faber; 24 Rhagfyr 17967 Ebrill 1877) sy'n nodedig am ei phortreadau o fywyd gwledig ac iaith y werin yn Andalwsia.

Ganed ym Morges, y Swistir, yn ferch i'r Almaenwr Johann Niklaus Böhl von Faber a'i wraig o Andalwsia. Dyn busnes oedd von Faber a drodd yn Gatholig. Symudodd y teulu i Andalwsia yn 1813 a daeth von Faber yn feirniad lenyddol amlwg.[1]

Yn 1816 priododd Cecilia â swyddog yn y troedfilwyr o'r enw Antonio Planells, a gafodd ei ladd mewn brwydr yn 1817. Priododd â'r marqués de Arco Hermoso yn 1822, a buont yn byw yn ei gartrefi yn Sevilla a chefn gwlad Andalwsia nes ei farwolaeth yn 1835. Priododd Cecilia ei thrydydd gŵr, Antonio de Ayala, yn 1837. Lladdodd Antonio ei hunan yn 1859 o ganlyniad i'w fethiannau ariannol. Ni chafodd Cecilia yr un plentyn drwy gydol ei hoes.[1]

Cafodd lwyddiant gyda'i nofel gyntaf, La gaviota (1849), un o glasuron llên Sbaen yn y 19g. Fe'i ystyrir yn waith sy'n rhagflaenu'r nofel realaidd Sbaeneg, ac yn enghraifft gynnar o ffuglen costumbrismo. Ymhlith ei chyhoeddiadau eraill mae'r nofel Clemencia (1852) a'r casgliad o straeon byrion Cuadros de costumbres populares andaluces (1852). Yn ogystal â'i phortreadau bywiog a naturiol o fywyd ac arferion cefn gwlad, mae ei ffuglen yn amddiffyn etifeddiaeth yr Eglwys Gatholig a'r frenhiniaeth yn Sbaen yn wyneb twf rhyddfrydiaeth. Bu farw yn Sevilla yn 80 oed, wedi afiechyd hir.[1]

Cyfeiriadau[golygu | golygu cod y dudalen]

  1. 1.0 1.1 1.2 (Saesneg) Fernán Caballero. Encyclopædia Britannica. Adalwyd ar 3 Rhagfyr 2019.