Evan Davies (cenhadwr)

Oddi ar Wicipedia
Jump to navigation Jump to search
Evan Davies
Ganwyd1805 Edit this on Wikidata
Lledrod Edit this on Wikidata
Bu farw18 Mehefin 1864 Edit this on Wikidata
Crug-y-bar Edit this on Wikidata
DinasyddiaethBaner Cymru Cymru
Galwedigaethcenhadwr, gweinidog yr Efengyl Edit this on Wikidata

Roedd Evan Davies (180518 Mehefin 1864) yn weinidog gyda'r Annibynwyr, yn genhadwr i China ac yn awdur.[1]

Cefndir[golygu | golygu cod y dudalen]

Ganwyd Davies yn Hengwm, plwyf Lledrod, Ceredigion yn blentyn i William ap Dafydd ap Siôn ap Lystan[2] amaethwr. Addysgwyd ef yn Ysgol Neuaddlwyd ac Academi’r Gorllewin yng Nghaerwysg[3]. Yn ystod ei blentyndod symudodd ei rieni i Lundain a magwyd Davies gan aelodau'r teulu yn ardal Lledrod.

Gyrfa[golygu | golygu cod y dudalen]

Swydd gyntaf Davies oedd fel prentis i ddilledydd. Symudodd wedyn i weithio efo'i dad yn Llundain. Fe'i derbyniwyd yn aelod o gapel Annibynwyr Y Boro yn Little Guilford Street. Ym 1827 symudodd yn ôl i Gymru i weithio ger Abertawe gan ymuno â chapel Annibynwyr Mynydd-bach, lle dechreuodd bregethu. Wedi cyfnod yn Neuaddlwyd a Chaerwysg yn paratoi am y weinidogaeth ordeiniwyd ef yn weinidog ar gapel yr Annibynwyr yn Great Torrington, Dyfnaint. Wedi ychydig flynyddoedd yn Nyfnaint fe'i hordeiniwyd i waith y genhadaeth dramor yng Nghapel Wycliffe, Llundain. Aeth i Penang, yng Nghulfor Malaca. Sefydlodd Davies ysgol breswyl ar gyfer bechgyn Tsieineaidd a'u hyfforddi yn yr iaith Saesneg yn ogystal â "chyfarwyddyd Ewropeaidd" arall.[4] Wedi pedair blynedd yn China torrodd ei iechyd a bu'n rhaid iddo ymadael a'r wlad.[5] Wedi cyrraedd yn ôl i Lundain ym 1840 penodwyd Davies yn asiant dros achos y genhadaeth i China, yn codi arian at ei waith. Ym 1842 fe'i penodwyd yn arolygydd Ysgol Genhadol y Bechgyn yn Walthamstow, ac ym 1844 symudodd i Richmond, Surrey,[6] lle bu'n gwasanaethu fel gweinidog yr eglwys Gynulleidfaol am dair blynedd ar ddeg. Ym 1857 cafodd alwad i fod yn weinidog yn Heywood, Manceinion, cyn symud i Dalston, Llundain ym 1863.

Cyhoeddiadau[golygu | golygu cod y dudalen]

Cyhoeddodd Davies nifer o lyfrau gan gynnwys:

  • 1845 China and her Spiritual Claims [7]
  • 1846 Memoir of the Rev. Samuel Dyer: Sixteen Years Missionary to the Chinese [8]
  • An Appeal to Reason and Good Conscience of Catholics
  • Rest: Lectures on the Sabbath
  • 1859 Welsh Revivals

Bu hefyd yn olygydd a chyhoeddwr :

Teulu[golygu | golygu cod y dudalen]

Bu'n briod a merch o'r enw Anne gawsant o leiaf dwy ferch ac un mab.

Marwolaeth[golygu | golygu cod y dudalen]

Bu farw tra ar ymweliad a'i deulu yn Llansteffan, Sir Gaerfyrddin. Claddwyd ei weddillion ym Mynwent Abney Park yn Llundain.

Cyfeiriadau[golygu | golygu cod y dudalen]