Edwina Currie

Edwina Currie
Ganwyd	13 Hydref 1946  Lerpwl
Man preswyl	Whaley Bridge
Dinasyddiaeth	y Deyrnas Unedig
Alma mater	Ysgol Economeg Llundain Coleg y Santes Ann Liverpool Institute High School for Girls
Galwedigaeth	gwleidydd, nofelydd, dyddiadurwr, ysgrifennwr
Swydd	Aelod o 51ain Senedd y Deyrnas Unedig, Aelod o 50fed Llywodraeth y DU, Aelod o 49fed Llywodraeth y DU
Plaid Wleidyddol	y Blaid Geidwadol
Priod	Ray Currie, John Jones
Gwefan	http://www.edwinacurrie.co.uk/

Cyn-Aelod Seneddol o Loegr ydy Edwina Currie (ganwyd Edwina Cohen; 13 Hydref 1946). Fe'i hetholwyd fel Aelod Seneddol Y Blaid Geidwadol ym 1983. Bu'n Weinidog Iechyd Ieuaf am ddwy flynedd, cyn ymddiswyddo ym 1988 oherwydd anghydfod ynglŷn â salmonela mewn ŵy. Erbyn i Currie golli ei sedd seneddol ym 1997, roedd hi wedi dechrau ar yrfa newydd fel nofelydd a darlledwraig.

Bywyd personol

Ar 1 Gorffennaf 1972, priododd Ray Currie, cyfrifydd, yn Barnstaple, Dyfnaint. Roedd Edwina a Ray yn destun rhaglen ddogfen ar y BBC yng nghyfres The Other Half a ddarlledwyd ym mis Mawrth 1984. Cawsant ddau blentyn. Ysgarodd y cwpl yn 1997. Yn ystod y briodas cafodd Currie garwriaeth gyda John Major, a fyddai ddiweddarach yn Brif Weinidog. Datgelwyd hyn gan Currie ym mis Medi 2002.

Ar 24 Mai 2001 yn Southwark priododd John Jones, ditectif wedi ymddeol a gyfarfu ar ei rhaglen radio yn 1999. Mae'n byw yn Whaley Bridge, Swydd Derby.

Cyfeiriadau

Eginyn erthygl sydd uchod am Sais neu Saesnes. Gallwch helpu Wicipedia drwy ychwanegu ato.