Edward Abbey

Oddi ar Wicipedia
Jump to navigation Jump to search
Edward Abbey
Ganwyd29' 'Ionawr' '1927 Edit this on Wikidata
Home Edit this on Wikidata
Bu farw14' 'Mawrth' '1989 Edit this on Wikidata
Tucson Edit this on Wikidata
DinasyddiaethUnol Daleithiau America Edit this on Wikidata
Alma mater
Galwedigaethysgrifennwr, nofelydd, athronydd, awdur ysgrifau, sgriptiwr, amgylcheddwr Edit this on Wikidata
Cyflogwr
  • Prifysgol Arizona Edit this on Wikidata
Adnabyddus amThe Monkey Wrench Gang, Desert Solitaire Edit this on Wikidata
Arddulltraethawd, Llenyddiaeth natur, nofel Edit this on Wikidata
Prif ddylanwadAldo Leopold, Henry David Thoreau, Gary Snyder, Pyotr Kropotkin, A. B. Guthrie Jr. Edit this on Wikidata
MudiadAmgylcheddaeth, green anarchism Edit this on Wikidata
Gwobr/auCymdeithas Goffa John Simon Guggenheim Edit this on Wikidata

Llenor ac ecolegwr Americanaidd oedd Edward Abbey (29 Ionawr 192714 Mawrth 1989) sydd yn nodedig am ei nofelau a leolir yn Ne Orllewin yr Unol Daleithiau ac am ei ysgrifau sydd yn mynegi athroniaeth amgylcheddol radicalaidd ac anarchaidd. Fe'i gelwir weithiau yn "Thoreau y De Orllewin".

Ganed ym mwrdeistref Indiana, Pennsylvania, a chafodd ei fagu mewn pentref cyfagos o'r enw Home. Ffermwr oedd ei dad, Paul Revere Abbey. Gadawodd Edward Abbey ei gartref yn Home yn 17 oed er mwyn bodio'i ffordd a theithio ar y wagen ar draws yr Unol Daleithiau, tua'r gorllewin i ddiffeithwch y Pedair Cornel (taleithiau Utah, Colorado, Arizona, a New Mexico). Derbyniodd ei radd baglor o Brifysgol New Mexico ym 1951, a'i radd meistr o'r brifysgol honno ym 1956 ar bwnc "Anarchiaeth a Moesoldeb Trais". Gweithiodd yn goedwigwr ac yn wyliwr tân i'r Gwasanaeth Parciau Cenedlaethol yn y 1950au a'r 1960au. Wrth ei waith, magai berthynas fynwesol â thirwedd a bywyd gwyllt rhanbarth y De Orllewin.

Ei dair nofel gyntaf oedd Jonathan Troy (1954), The Brave Cowboy (1956), a Fire on the Mountain (1962). Daeth yn amlwg yn sgil cyhoeddi Desert Solitaire: A Season in the Wilderness (1968), ei atgofion fel ceidwad parc yng nghefn gwlad Utah, a ystyrir yn glasur o lenyddiaeth natur.

Mae ei nofel enwocaf, The Monkey Wrench Gang (1975), yn ymwneud â phedwar amgylcheddwr sydd yn ceisio dinistrio Argae Ceunant Glen, yng ngogledd Arizona, gyda bom. Disgrifiodd Abbey y llyfr hwn yn stori ddychanol, ond cafodd ei feirniadu am ddisgrifio'n fanwl sut i ddifrodi eiddo yn fwriadol. O ganlyniad i The Monkey Wrench Gang, condemniwyd Abbey yn derfysgwr ac yn anarchydd peryglus gan gadwraethwyr sefydledig ac yn feddyliwr ysbrydoledig gan ecolegwyr y gwrthddiwylliant. Sefydlwyd y mudiad radicalaidd Earth First! ym 1980 gan griw o ymgyrchwyr ifanc a oedd yn edmygu gwaith Abbey, a'r nofel hon yn enwedig. Rhoddwyd yr enw monkey-wrenching ar dacteg o ddefnyddio difrod bwriadol er mwyn amddiffyn yr amgylchedd.

Bu farw Edward Abbey yn Tucson, Arizona, o glefyd cylchredol yn 62 oed.[1]

Cyfeiriadau[golygu | golygu cod y dudalen]

  1. (Saesneg) "Edward Abbey, 62, Writer and Defender Of U.S. Wilderness", The New York Times (15 Mawrth 1989). Archifwyd o'r dudalen we wreiddiol drwy gyfrwng archive.is ar 16 Mehefin 2021.