Double Indemnity

Oddi ar Wicipedia
Jump to navigation Jump to search
Data cyffredinol
Enghraifft o'r canlynol gwaith ysgrifenedig Edit this on Wikidata
Awdur James M. Cain Edit this on Wikidata
Gwlad Unol Daleithiau America Edit this on Wikidata
Iaith Saesneg Edit this on Wikidata
Dyddiad cyhoeddi 1943 Edit this on Wikidata
Genre nofel Edit this on Wikidata

Nofel fer yn y genre hardboiled gan James M. Cain yw Double Indemnity. Cyhoeddwyd fel cyfres o wyth pennod yn y cylchgrawn Liberty ym 1936, a chyhoeddwyd ar ffurf nofel ym 1943.

Plot[golygu | golygu cod y dudalen]

Yn y nofel mae'r adroddwr, asiant yswiriant o'r enw Walter Huff, yn cwympo mewn cariad â'r femme fatale Phyllis Nirdlinger, ar ôl iddi ofyn am ei gyngor i yswirio bywyd ei gŵr. Mae Phyllis yn ceisio perswadio Walter i gymryd rhan mewn cynllun i ladd ei gŵr a'i wneud i edrych fel damwain, ac yna casglu'r yswiriant ar bolisi o indemniad ddwbl, hynny yw dwbl ei werth os yw'r yswiriwr yn marw mewn damwain.

Technegau a themâu[golygu | golygu cod y dudalen]

Dau o romans noirs (neu nofelau hardboiled) gorau'r 1930au oedd Double Indemnity a nofel gynt Cain, The Postman Always Rings Twice (1934). Maent yn straeon trosedd sy'n cynnwys prif nodweddion y genre hardboiled: moesoldeb dadleuol a thor-cyfraith, yn enwedig llofruddiaeth, l'amour fou (cariad rhywiol ac obsesiynol) a godineb, a dialog plaen a slic. Yn wahanol i straeon eraill y genre, yn bennaf nofelau Raymond Chandler, mae gan Double Indemnity naws fwy pesimistaidd a llai rhamantaidd.[1] Defnyddia Cain hefyd arddull cwta sy'n brin o ddisgrifiadau, ond eto yn ddarluniadol oherwydd y naws. Yn debyg i weithiau eraill Cain, mae'r erotiaeth a'r trais corfforol a seicolegol yn Double Indemnity yn ei gwahaniaethu o straeon awduron eraill y genre megis Chandler a Dashiell Hammett.

Mae'r nofel yn symboleiddio anfodlonrwydd y dosbarth canol Americanaidd yn ystod y 1930au. Mae gan y prif gymeriadau ymddygiad nihilaidd, sydd bron yn ddirfodol.[2] Mae dirfodaeth y nofel yn fwy amlwg wrth gofio yr oedd yn ysbrydoliaeth i Albert Camus wrth iddo ysgrifennu L'Étranger.

Addasiad ffilm[golygu | golygu cod y dudalen]

Barbara Stanwyck mewn rhan Phyllis Dietrichson yn y ffilm.

Cafodd y nofel ei haddasu'n ffilm ym 1944 a gyfarwyddyd gan Billy Wilder ac yn serennu Fred MacMurray a Barbara Stanwyck. Cafodd ei sgriptio gan Wilder a Raymond Chandler. Enwebwyd y ffilm am saith Oscar, ac heddiw fe'i hystyrir yn un o glasuron film noir.[3]

Cyfeiriadau[golygu | golygu cod y dudalen]

  1. (Saesneg) Double Indemnity. bookrags.com. Adalwyd ar 25 Medi 2012.
  2. (Saesneg) Ulin, David L. (23 Gorffennaf 2012). The Reading Life: Thinking about 'Double Indemnity'. Los Angeles Times. Adalwyd ar 25 Medi 2012.
  3. (Saesneg) Gilbey, Ryan (17 Hydref 2010). Double Indemnity: No 6 best crime film of all time. The Observer. Adalwyd ar 25 Medi 2012.