Divehi

Dhivehi
ދިވެހިބަސް (Dhivehi)
Siaredir yn	Maldives Minicoy (India)
Cyfanswm siaradwyr	340,000
Teulu ieithyddol	Indo-Ewropeaidd Indo-Iranaidd Indo-Ariaidd Indo-Ariaidd deheuol Indo-Ariaidd ynysol Dhivehi
System ysgrifennu	Thaana (Dhives Akuru nes 18g)
Statws swyddogol
Iaith swyddogol yn	Maldives
Rheoleiddir gan	Academi Dhivehi
Codau ieithoedd
ISO 639-1	dv
ISO 639-2	div
ISO 639-3	div
Wylfa Ieithoedd	–

Iaith Indo-Ariaidd yw Divehi, Dhivehi, Difehi neu Maldifeg (ދިވެހި, divehi neu ދިވެހިބަސް, divehi-bas) a siaredir gan 350,000 o bobl yn Ynysoedd y Maldives a 10,000 o bobl ar ynys Minicoy yn nhiriogaeth Lakshadweep, India. Hon yw iaith swyddogol gwlad y Maldives ac iaith frodorol y Maldifiaid ethnig. Caiff ei hysgrifennu yn y sgript Thanna, a'i throsi i'r wyddor Rufeinig gan ddefnyddio ffurf "Lladin Malé".

Prif dafodieithoedd Divehi yw Malé, Huvadhu, Mulaku, Addu, Haddhunmathee, a Maliku. Divehi Malé, a siaredir yn y brifddinas, yw ffurf safonol yr iaith. Maliku yw'r enw ar dafodiaith y gymuned ym Minicoy, ond Mahl yw'r term a ddefnyddir gan y llywodraeth Indiaidd yn Lakshadweep.

Disgynnai Divehi o hen iaith Maharashtra, Maharashtri Prakrit, ac mae'n perthyn yn agos i'r Konkaneg, Marathi, ac iaith Sinhala, ond nid oes cyd-eglurder rhyngddynt. Dynalwadai nifer o ieithoedd ar ddatblygiad Divehi drwy'r ganrifoedd, yn bennaf yr Arabeg a hefyd Ffrangeg, Perseg, Portiwgaleg, Hindwstaneg, a Saesneg. Daw'r geiriau "atol" (cylchynys) a "dhoni" (cwch traddodiadol) o'r ffurfiau Divehi atoḷu and dōni.