David Parry-Jones

Oddi ar Wicipedia
Jump to navigation Jump to search
David Parry-Jones
Ganwyd 25 Medi 1933 Edit this on Wikidata
Pontypridd Edit this on Wikidata
Bu farw 10 Ebrill 2017 Edit this on Wikidata (83 oed)
Achos: Clefyd Alzheimer Edit this on Wikidata
Penarth Edit this on Wikidata
Alma mater
Galwedigaeth Ysgrifennwr Edit this on Wikidata

Sylwebydd chwaraeon ac awdur o Gymro oedd David Parry-Jones (25 Medi 193310 Ebrill 2017). Bu'n gyflwynydd am gyfnod hir ar BBC Wales Today a roedd yn gyn ddadansoddwr rygbi ar gyfer BBC Radio 5. Roedd yn awdur nifer o lyfrau am rygbi, gan gynnwys nifer am hanes y gamp yng Nghymru.[1]

Bywyd a gyrfa[golygu | golygu cod y dudalen]

Ganwyd Parry-Jones ym Mhontypridd ar 25 Medi 1933.[2] Ar ôl mynychu ysgol yng Nghaerdydd, aeth i Goleg Merton, Rhydychen yn 1952, lle bu'n darllen y Clasuron a roedd yn gapten ar dimau rygi'r undeb Greyhounds a thimau criced y coleg. Wedi cwblhau ei wasanaeth cenedlaethol, yn 1959 cychwynodd ei yrfa newyddiadurol ac aeth ymlaen i fod yn un o sylwebyddion rygbi mwyaf adnabyddus y BBC, yn fwyaf nodedig am ei ddisgrifiad o fuddugoliaeth enwog Llanelli dros y crysau Duon yn 1972.[3] Dywedodd ei gyfaill a chyd-sylwebydd Huw Llywelyn Davies ei fod yn un o "hoelion wyth y byd darlledu chwaraeon yng Nghymru".

Roedd Parry-Jones yn bartner hirdymor y ddarlledwraig Beti George a roeddent yn byw yng Nghaerdydd. Ers 2009 bu'n dioddef o glefyd Alzheimer, a bu Beti yn codi ymwybyddiaeth o'r cyflwr yn y cyfryngau Cymreig. Yn 2013 darlledodd S4C raglen am y clefyd, Un o Bob Tri,[4] a cyflwynodd Beti y rhaglen, The Dreaded Disease - David's Story, ar BBC Radio Cymru.[5] Ym mis Chwefror 2017, cynhyrchodd BBC Cymru raglen ddogfen, Beti and David: Lost for Words, oedd yn dilyn y cwpl dros nifer o fisoedd, yn edrych ar yr heriau a'r rhwystredigaethau a wynebir gan filoedd o ofalwyr ledled Cymru.[6]

Bu farw Parry-Jones ar 10 Ebrill 2017, mewn hosbis ym Mhenarth.[7]

Detholiad gwaith[golygu | golygu cod y dudalen]

  • The Dawes Decades: John Dawes and the Third Golden Era of Welsh Rugby (2006)
  • The Gwilliam Seasons: John Gwilliam and the Second Golden Era of Welsh Rugby (2003)
  • Prince Gwyn: Gwyn Nicholls and the First Golden Era of Welsh Rugby (1999)
  • Action Replay – A Media Memoir (1993)
  • The Rugby Clubs of Wales (1989)
  • Rugby Remembered: From the Pages of the Illustrated London News (1988)
  • Out of the Ruck (1986)
  • Boots, Balls and Banter: Collection of Rugby Stories (1980)

Cyfeiriadau[golygu | golygu cod y dudalen]

  1. Hands, David (18 Ionawr 2003). "Gwilliam's legacy to Welsh rugby underplayed again". The Times. http://www.timesonline.co.uk/tol/sport/article813602.ece.
  2. Levens, R.G.C., gol,. (1964). Merton College Register 1900-1964. Oxford: Basil Blackwell. p. 437.
  3. Rees, Jasper (9 March 2017). "Beti and David: Lost for Words: the more people that watch this film the better – review". The Telegraph (Telegraph Media Group Limited). http://www.telegraph.co.uk/tv/2017/03/09/beti-david-lost-words-people-watch-film-better-review/. Adalwyd 10 Mawrth 2017.
  4. S4C (11 December 2013). "Un o Bob Tri - Beti George". S4C (yn Welsh). Cyrchwyd 14 Medi 2016. More than one of |author= and |last= specified (help)CS1 maint: Unrecognized language (link)
  5. BBC (11 Rhagfyr 2013). "The Dreaded Disease - David's Story". BBC. Cyrchwyd 14 Medi 2016. More than one of |author= and |last= specified (help)
  6. "Beti and David: Lost for Words". BBC. Cyrchwyd 10 Mawrth 2017.
  7. Y darlledwr David Parry-Jones wedi marw , BBC Cymru Fyw, 10 Ebrill 2017.