Cwymp Wall Street
 | |
| Enghraifft o'r canlynol | stock market crash  |
|---|---|
| Dyddiad | 1929 |
| Dechreuwyd | 24 Hydref 1929 |
| Daeth i ben | 29 Hydref 1929 |
| Lleoliad | Wall Street |
| Gwladwriaeth | Unol Daleithiau America |
| Rhanbarth | Manhattan |
 Ffeiliau perthnasol ar Gomin Wicimedia | |
Cwymp marchnad stoc Cyfnewidfa Stoc Efrog Newydd (NYSE) yn Hydref 1929 oedd Cwymp Wall Street. Daeth hyn ag ymchwydd economaidd Unol Daleithiau America yn y 1920au i ben, ac arweiniodd at y Dirwasgiad Mawr.
Dechreuodd y cwymp ar 24 Hydref (Dydd Iau Du) a pharhaodd nes 29 Hydref (Dydd Mawrth Du).
Achosion[golygu | golygu cod]
Ymchwydd y Cyfranddaliadau[golygu | golygu cod]
Yn ystod yr ychwydd economaidd, wrth i elw cwmnïau'r Unol Daleithiau gynyddu, gwelwyd prynu cyfranddaliadau fel ffordd di-risg o wneud arian, sef hapfasnachu. Cyn bo hir, roedd gan yr holl wlad obsesiwn gyda'r farchnad stoc, a dechreuodd banciau dderbyn cyfranddaliadau fel gwariant am fenthyciadau. Wrth i fuddsoddwyr golli hyder a gwerthu'u cyfranddaliadau, effeithiodd hyn ar economi'r Unol Daleithiau i gyd.
Gorgynhyrchu[golygu | golygu cod]
Roedd polisïau'r llywodraeth Weriniaethol o hybu diwydiant yr Unol Daleithiau, trwy ddefnyddio polisi laissez-faire a chwtogi ar gynnyrch tramor, yn un o brif achosion ychwydd yr 1920au, ond arweiniodd hyn at orgynhyrchu a llai o alw am gynnyrch. Wrth i elw cwmnïau gwympo a swm y stoc heb ei werthu gynyddu, rhuthrodd pobl i werthu eu cyfranddaliadau.
Gweler hefyd[golygu | golygu cod]
Darllen pellach[golygu | golygu cod]
- Galbraith, John Kenneth. The Great Crash 1929 (Llundain, Penguin, 2009 [1954]).