Colin Jones

Oddi ar Wicipedia
Jump to navigation Jump to search
Colin Jones
Llysenw(au) The Punch
Pwysau Pwysau welter
Cenedligrwydd Cymro
Ganwyd (1959-03-21) 21 Mawrth 1959 (60 oed)
Abertawe
Ystum Llawdde
Cofnod paffio
Cyfanswm gornestau 30
Buddugoliaethau 26
Buddugoliaethau drwy KO 23
Colliadau 3
Cyfartal 1
Dim cystadleuaeth 0

Paffiwr o Gymru yw Colin Jones (ganwyd 21 Mawrth 1959) a ddaeth yn bencampwr pwysau welter ar lefel Brydeinig, y Gymanwlad ac Ewropeaidd. Ganwyd yng Nghorseinon, Abertawe. Cyn troi'n broffesiynol fe gynrychiolodd Prydain Fawr yng Ngemau Olympaidd yr Haf 1976 yn Montreal, Canada. Roedd gan Colin hyfforddwr o'r enw Gareth Bevan ac yn cael cymorth gan ei fab, John Bevan hefyd.

Gyrfa bocsio[golygu | golygu cod y dudalen]

Yn 1976, Jones oedd y paffiwr Prydeinig ieuengaf i gael ei ddewis i gystadlu yn y Gemau Olympaidd Modern nes i Amir Khan ymddangos yn Gemau Olympaidd yr Haf 2004.

Roedd yn un o'r paffiwr pwysau welter mwyaf pwerus o'i genhedlaeth gyda'r gallu i daro gwrthwynebwyr allan gydag un ergyd (gyda'r ddwy law) ac roedd hyn yn caniatau iddo gychwyn gornest yn hynod o araf. Enillodd y goron Ewropeaidd yn Copenhagen drwy atal yr ornest yn yr ail rownd yn erbyn y paffiwr Danaidd Hans Henrik ac fe wnaeth hyn gadarnhau ei gyrhaeddiad fel un o baffwyr gorau'r byd.

Collodd deirgwaith, unwaith drwy anghymhwyster (Curtis Ramsey), unwaith drwy ddyfarniad hollt (Milton McCrory) ac unwaith pan ataliwyd mewn pedwar rownd oherwydd iddo gael ei anafu gan Donald Curry ar ei orau. Daeth y ddwy golled olaf wrth herio am deitl y byd ar ôl iddo ddod yn gyfartal gyda McCrory yn ei ymgais gyntaf.

Er y rhwystrau ar lefel fyd-eang (roedd y ddwy ornest yn erbyn McCrory yn America ac fe allai fod wedi mynd y naill ffordd neu'r llall), roedd yn gryf ar lefel Brydeinig a gyrhaeddodd uchafbwynt gyda'i ddwy fuddugoliaeth yn ennill "o'r tu ôl" yn erbyn y paffiwr dawnus Kirkland Laing.

Yn ddyn diymhongar ac uchel ei barch, mae Jones yn cael ei ystyried yn un o baffwyr gorau Cymru, ac enillodd wobr Personoliaeth Chwaraeon Cymreig y Flwyddyn BBC Cymru yn 1983..[1]

Roedd Jones yn gynorthwyydd i hyfforddwr Cenedlaethol Tony Williams ar gyfer tîm Paffio Cymru yn Gemau'r Gymanwlad 2010

Cyfeiriadau[golygu | golygu cod y dudalen]

  1. BBC Sport-Wales-BBC Wales Sports Personality Of The Year , Newyddion BBC Sport, BBC, 8 Rhagfyr 2008. Cyrchwyd ar 28 Hydref 2009.
Gwobrau
Rhagflaenydd:
Steve Barry
Personoliaeth Chwaraeon Cymreig y Flwyddyn BBC Cymru
1983
Olynydd:
Ian Rush

Dolenni allanol[golygu | golygu cod y dudalen]