C. P. Snow

Oddi ar Wicipedia
Neidio i: llywio, chwilio
C. P. Snow
Ganwyd 15 Hydref 1905 Edit this on Wikidata
Caerlŷr Edit this on Wikidata
Bu farw 1 Gorffennaf 1980 Edit this on Wikidata (74 oed)
Llundain Edit this on Wikidata
Addysg Baglor yn y Celfyddydau, Meistr mewn Gwyddoniaeth, Doethur mewn Athrawiaeth Edit this on Wikidata
Alma mater
Galwedigaeth gwyddonydd, awdur, gwleidydd, beirniad llenyddol Edit this on Wikidata
Cyflogwr
  • Prifysgol Wesleyan
Gwaith nodedig The Two Cultures Edit this on Wikidata
Plaid Wleidyddol Y Blaid Lafur Edit this on Wikidata
Gwobr/au Cadlywydd Urdd yr Ymerodraeth Brydeinig, Gwobr Goffa James Tait Black, arglwydd am oes, marchog Edit this on Wikidata

Ffisegwr a nofelydd o Sais oedd Charles Percy Snow, Barwn Snow o Ddinas Caerlŷr CBE (15 Hydref 1905 – 1 Gorffennaf 1980).

Mynychodd Prifysgol Caerlŷr ac enillodd doethuriaeth o Brifysgol Caergrawnt. Daeth yn gymrawd yng Ngholeg Crist, Caergrawnt yn 25 oed ac astudiodd ffiseg foleciwlaidd am ugain mlynedd cyn iddo gymryd swydd gweinyddwr y brifysgol. Yn y 1930au fe gychwynodd ar gyfres o 11 o nofelau o'r enw Strangers and Brothers (cyhoeddwyd 1940–70). Yn ystod yr Ail Ryfel Byd, cafodd ei benodi'n gynghorwr gwyddonol i'r llywodraeth. Priododd y nofelydd Pamela Hansford Johnson ym 1950. Cafodd ei urddo'n farchog ym 1957 a'i wneud yn arglwydd am oes ym 1964.[1]

Manteisiodd Snow ar ei yrfa ddeuol drwy ysgrifennu llyfr ar y berthynas rhwng gwyddoniaeth a llenyddiaeth: The Two Cultures and the Scientific Revolution (1959). Dadleuodd bod y gwyddonydd a'r llenor yn gwybod bron dim am ddisgyblaeth y llall, ac felly mae cyfathrebu rhyngddynt yn anodd, os nad amhosib. Sbardunodd dadl ffyrnig ymhlith academyddion a deallusion Gwledydd Prydain, a daeth y beirniad llenyddol F. R. Leavis i flaen y gad i wrthwynebu gosodiad Snow. Ymhelaethodd Snow ar ei syniadau mewn llyfr dilynol, Second Look (1964).[2][3][4][5]

Cyfeiriadau[golygu | golygu cod y dudalen]

  1. (Saesneg) C. P. Snow. Encyclopædia Britannica. Adalwyd ar 28 Chwefror 2017.
  2. (Saesneg) Stefan Collini. "Leavis v Snow: the two-cultures bust-up 50 years on", The Guardian (16 Awst 2013). Adalwyd ar 28 Chwefror 2017.
  3. (Saesneg) Robert Whelan. "Fifty years on, CP Snow's 'Two Cultures' are united in desperation", The Daily Telegraph (5 Mai 2009). Adalwyd ar 28 Chwefror 2017.
  4. (Saesneg) Roger Kimball. "The Two Cultures today", New Criterion (Chwefror 1994). Adalwyd ar 28 Chwefror 2017.
  5. (Saesneg) Peter Dizikes. "Our Two Cultures", The New York Times (19 Mawrth 2009). Adalwyd ar 28 Chwefror 2017.