Brian Law
| Manylion Personol | ||
|---|---|---|
| Enw llawn | Brian John Law | |
| Dyddiad geni | 1 Ionawr 1970 | |
| Man geni | Merthyr Tudful,  Cymru
| |
| Taldra | 6' 2" | |
| Safle | Amddiffynnwr | |
| Clybiau | ||
| Blwyddyn |
Clwb |
Ymdd.* (Goliau) |
| Queens Park Rangers F.C. Wolverhampton Wanderers F.C. Millwall F.C. |
||
| Tîm Cenedlaethol | ||
| 1990 | Cymru | |
|
1Ymddangosiadau a goliau mewn clybiau hŷn | ||
Mae Brian John Law (ganwyd 1 Ionawr 1970 ym Merthyr Tudful) yn gyn chwaraewr pêl-droed Cymreig proffesiynol sydd wedi chware yn rhyngwladol dros Gymru .
Gyrfa clwb[golygu | golygu cod]
Cychwynnodd Law ei yrfa gyda Queens Park Rangers gan wneud ei ymddangosiad cyntaf yn erbyn Sheffield Wednesday yn Loftus Road yng ngêm derfynol tymor 1987. Gwnaeth cyfanswm o 20 o ymddangosiad dros ei glwb cyn cael ei orfodi i ymddeol yn 1991 o ganlyniad i anafiadau tendon. Ar ôl ymddeol bu Law yn treulio tair blynedd y tu allan i fyd pêl-droed ar daith bacpacio o amgylch y byd, cyn dychwelyd ym 1994 wedi canfod bod ei anaf yn gallu gwrthsefyll llymder pêl-droed proffesiynol. Ymunodd a Wolverhampton Wanderers, a bu'n yn ofynnol iddynt dalu iawndal o £34,000 ar ran Law i gwmni yswiriant a oedd wedi rhoi taliad iddo am orfod ymddeol trwy anaf; bu'n rhaid iddynt tau £100,000 i'w gyn-glwb Queens Park Rangers hefyd. Yn ystod ei amser gyda Wolverhampton cafodd Law ei arestio ar ôl gyrru bws tra'n feddw, gan dderbyn dirwy a chyfnod o wasanaeth cymunedol[1]
Ar ôl dechrau sefydlu ei hun yn y tîm cyntaf, gorfodwyd Law i dderbyn llawdriniaeth ailadeiladu ffêr gan fethu llwyddo i adennill ei le yn yr ochr wedi'r llawdriniaeth. Symudodd i Milwall ym 1997. Gwnaeth 47 o ymddangosiadau fel capten y clwb ym mhob gêm yn ystod ei dymor cyntaf yn The New Den a bu'n aelod rheolaidd o'r tîm cyntaf ar ddechrau'r tymor canlynol. Bu i anaf pen-glin ei orfodi allan o'r ochr ar ôl llai nag un mis o dymor 1998-99. Fe'i rhyddhawyd yn gan Millwall yn 2000 gan ddod a'i yrfa fel peldroediwr i ben.
Gyrfa ryngwladol[golygu | golygu cod]
Bu Law yn chwarae i dîm bechgyn ysgol Cymru Dan 15. Bu'n aelod ac yn gapten ar garfanau o dan 16, dan 18, dan 21 yn ogystal â thîm B Cymru yn erbyn Lloegr yn Tranmere (5/12/90)[2]. Er nad oedd ond wedi chwarae ond llond llaw o gemau ar gyfer Queens Park Rangers, cafodd Law ei alw i chware i dîm hŷn Cymru ym mis medi 1988 gan wasanaethu fel eilydd heb ei ddefnyddio yn erbyn yr Iseldiroedd. Bu'n eilydd heb ei ddefnyddio eto mewn gemau yn erbyn yr Eidal a Malta. Gwnaeth ei ymddangosiad cyntaf ar 25 Ebrill 1990 mewn tîm a gollodd 4-2 i Sweden. Cafodd Law ei alw'n ôl i'r garfan, ar ôl ei seibiant 2 flynedd o'r gêm, ar gyfer gêm yn erbyn Bwlgaria ym mis Mawrth 1995 Pan gollodd Cymru 3 - 1.
Wedi pêl-droed[golygu | golygu cod]
Yn dilyn ei ymddeoliad, enillodd Law gradd mewn gwyddor Bwriad yr elusenau oedd i roi cyfle i bobl ifanc yn eu harddegau cael mynediad i chwaraeon fel pêl-droed, hoci a phêl stryd ym Mirmingham[3]. Bu'r elusen hefyd yn cynnig gweithdai cerddorol. Un o fynychwyr y gweithdai cerddorol oedd y cerddor C4 ft Romo a llwyddodd i gyrraedd rhif 7 yn y Siartiau Cerddoriaeth Drefol gyda'i gan'Detention' .[4]
Cyfeiriadau[golygu | golygu cod]
- Hayes, Dean P. (2004). Wales The Complete Who's Who of Footballers Since 1946. Sutton Publishing Limited. ISBN 0-7509-3700-9.
- ↑ From the Wolves archive – when Brian Law nicked a bus adalwyd 20/05/2018
- ↑ QPR’S TOP TEN WALES INTERNATIONALS adalwyd 20/05/2018
- ↑ "Beginning a whole new life of Brian". Birmingham Mail. 2005-05-26. Archifwyd o'r gwreiddiol ar 2012-09-23. Cyrchwyd 2010-01-19.
- ↑ "Rapping for Darwin". London: The Sunday Times. 2009-08-19. Cyrchwyd 2010-01-19.