Bhubaneswar

Oddi ar Wicipedia
Jump to navigation Jump to search
Bhubaneswar
Lingaraj temple Bhubaneswar 11007.jpg
Teml Lingaraj, Bhubaneswar
Math dinas, dinas fawr Edit this on Wikidata
Bhubaneshwar.ogg Edit this on Wikidata
Poblogaeth 837,737 Edit this on Wikidata
Sefydlwyd
  • 1948 Edit this on Wikidata
Cylchfa amser UTC+05:30 Edit this on Wikidata
Gefeilldref/i Cupertino Edit this on Wikidata
Daearyddiaeth
Sir Khordha district Edit this on Wikidata
Gwlad Baner India India
Arwynebedd 1,035 km² Edit this on Wikidata
Uwch y môr 45 ±1 metr Edit this on Wikidata
Cyfesurynnau 20.2644°N 85.8281°E Edit this on Wikidata
Cod post 751001 Edit this on Wikidata
Manylion
Statws treftadaeth Tentative World Heritage Site Edit this on Wikidata

Prifddinas talaith Orissa yn India a'i dinas fwyaf yw Bhubaneswar neu Bhubaneshwar. Fe'i lleolir yn nwyrain India ar wastadiroedd arfordirol dwyrain Orissa i'r de-orllewin o Afon Mahanadi. Poblogaeth: 647,302 (2001).

Yn gyn brifddinas teyrnas Kalinga, mae gan y ddinas hanes hir fel un o ganolfan crefyddol a diwylliannol pwysicaf Hindŵaeth ac heddiw mae'n ganolfan economaidd ranbarthol hefyd. Yng nghwrs ei hanes, mae Bhubaneswar wedi cael ei adnabod wrth sawl enw, e.e. Toshali, Kalinga Nagari, Nagar Kalinga, Ekamra Kanan, Ekamra Khetra a Mandira Malinya Nagari. Cynlluniwyd y ddinas fodern gan y pensaer Almaenig Otto Königsberger yn 1946. Daeth yn brifddinas talaith Orissa yn 1948, blwyddyn ar ôl i India ennill ei hannibyniaeth oddi ar Brydain. Cyn hynny, Cuttack a fu'n brifddinas Orissa hyd 1947. Gelwir Bhubaneswar a Cuttack "dinasoedd gefaill" Orissa.

Ceir nifer fawr o demlau Hindwaidd yn Bhubaneswar ac felly fe'i gelwir weithiau yn 'Ddinas Temlau' India. Mae rhai o'r temlau hyn yn hynafol ac yn cynrychioli'r cyfan o bensaernïaeth Kalinga. Y pwysicaf o'r rhain yw Teml Lingaraj, sy'n dyddio o'r 10g ac a gysegrir i Shiva. Mae temlau mawr eraill yn cynnyws temlau Lakshmanesvara, Parasuramesvara, Svarnajalesvra, Muktesvara, Rajarani, Vaital, Brhamesvara, Meghesvara, Vaskaresvara, Ananta Vasudeva, Sari, Kapilesvara, Markandesvara, Yamesvara, Chitrakarini a Sisiresvara.

Gwasanaethir y ddinas gan Faes Awyr Biju Patnaik gyda ffleits dyddiol i Delhi Newydd, Mumbai, Kolkata (Calcutta), Hyderabad, Chennai a Bangalore. Mae'n ganolfan rheilffordd fawr hefyd gyda gorsaf ar Reilffordd Arfordir Dwyrain India.

Dolenni allanol[golygu | golygu cod y dudalen]

Flag of India.svg Eginyn erthygl sydd uchod am India. Gallwch helpu Wicipedia drwy ychwanegu ato.