Bessie Braddock

Oddi ar Wicipedia
Neidio i: llywio, chwilio
Bessie Braddock
Chance Meeting - DSC04935.JPG
Ganwyd 24 Medi 1899 Edit this on Wikidata
Lerpwl Edit this on Wikidata
Bu farw 13 Tachwedd 1970 Edit this on Wikidata (71 oed)
Lerpwl Edit this on Wikidata
Galwedigaeth gwleidydd, undebwr llafur Edit this on Wikidata
Plaid Wleidyddol Y Blaid Lafur Edit this on Wikidata

Gwleidydd Llafur o Saesnes oedd Elizabeth Margaret Braddock YH (24 Medi 189913 Tachwedd 1970), a adnabyddir yn well fel Bessie Braddock.

Yn enedigol o Lerpwl, ymaelododd â'r Blaid Lafur yn 1925 ar ôl cyfnod byr fel aelod o'r Blaid Gomiwnyddol. Daeth yn ffigwr amlwg yng ngwleidyddiaeth leol Lerpwl a gwasanaethodd fel arweinydd Cyngor Dinas Lerpwl o 1955 hyd 1961 ac eto ym Mai 1963.

Cafodd ei hethol yn AS dros Gyfnewidfa Lerpwl (Liverpool Exchange) yn etholiad cyffredinol y Deyrnas Unedig, 1945, a daliodd y swydd am 24 mlynedd. Roedd hi'n sosialydd brwd a adnabyddid fel "Battling Bessie". Rhoddwyd 'Rhyddid Dinas Lerpwl' i Braddock gan gyngor y ddinas yn 1970, ychydig cyn ei marwolaeth.

Cofir Braddock yng Nghymru hyd heddiw fel un o brif arweinwyr y cynllun gan Gorfforaeth Lerpwl i foddi Cwm Tryweryn yng ngogledd Cymru, a hynny yn wyneb gwrthwynebiad bron pob AS Cymreig.

Wrth sôn am y cynllun arfaethedig i foddi Capel Celyn dwedodd Braddock yn Nhŷ'r Cyffredin yn 1957:

Some disturbance of the inhabitants is, of course, inevitable. Everyone deplores the fact that in the interests of progress sometimes some people must suffer, but that is progress.[1]

Fe'i cofir hefyd fel gwrthrych un o ripostes enwocaf Winston Churchill:

Braddock: "Mr. Churchill, this is a disgrace. You are quite drunk."
Churchill: "My dear, you are ugly, and what's more, you are disgustingly ugly. But tomorrow I shall be sober and you will still be disgustingly ugly."[2]

Cyfeiriadau[golygu | golygu cod y dudalen]