Pen-y-bryn, Abergwyngregyn

Garth Celyn o hirbell.

Safle llys tywysogion Gwynedd yn Abergwyngregyn oedd Garth Celyn. Yn wreiddiol, Aberffraw oedd prif lys brenhinllin Gwynedd, ond Garth Celyn, prif lys cantref Arllechwedd, oedd y prif lys yn ystod teyrnasiad Llywelyn Fawr, a pharhaodd yn brif lys yng nghyfnod ei olynwyr Dafydd ap Llywelyn a Llywelyn ap Gruffudd. Saif mewn safle strategol bwysig, lle mae'r hen ffordd o'r dwyrain dros Fwlch y Ddeufaen yn disgyn at arfordir Afon Menai a'r fferi drosodd i Llanfaes ar Ynys Môn.

Yma y bu farw Siwan, gwraig Llywelyn Fawr a Dafydd ap Llywelyn, ac yma y cafwyd Gwilym Brewys yn ystafell wely Siwan yn 1230. Ceir nifer o lythyrau a dogfennau eraill sy'n nodi ei bod wedi eu hysgrifennu yng Ngarth Celyn.

Yn ddiweddar, haerwyd mai safle'r llys yw lle saif Pen y Bryn, plasdy a adeiladwyd yn wreiddiol gan Rhys Thomas a'i wraig Jane, a gafodd y tiroedd hyn yn 1553. Dywedir iddynt adeiladu'r plasdy ar adfeilion y llys. Saif Pen y Bryn ar godiad tir ychydig i'r gorllewin o ganol pentref Abergwyngregyn (SH653726).

Delweddau

• 
  Y tŷ a'r tŵr lle carcharwyd Siwan.
• 
  Golwg manwl o'r tŵr.
• 
  Y tŵr eto.
• 
  Llun manwl.
• 
  Y capel y tu ôl i'r tŵr.
• 
  Yr hen fynedfa i Arth Celyn, drwy'r porth hwn
• 
  Y tu fewn i'r porth yn 2004