Afon Rheidol

Mae Afon Rheidol yn afon yng nghanolbarth Cymru.

Mae tarddle Afon Rheidol yn y nentydd sy'n llifo i mewn i gronfa ddŵr Nant y Moch (ger safle brwydr Hyddgen, 1401) ar lethrau gorllewinol Pumlumon ac yna'n llifo tua'r de trwy bentref Ponterwyd cyn i Afon Mynach ymuno â hi. Yn fuan ar ôl cymer Afon Mynach, mae Rheidol yn disgyn dros raeadr wrth ymyl pentref Pontarfynach. Mae yn awr yn llifo tua'r gorllewin heibio i hen gloddfa blwm Cwm Rheidol. Er bod y gloddfa yma wedi cau, mae'n parhau i effeithio ar ddŵr Afon Rheidol. Mae'r afon yn awr yn parhau tua'r gorllewin ac yn cyrraedd y môr yn harbwr Aberystwyth.