Ar y Marc

Oddi ar Wicipedia
Jump to navigation Jump to search
Ar y Marc
Arymarc.jpg
Genre Chwaraeon
Gwlad Baner Cymru Cymru
Iaith Cymraeg
Gorsaf BBC Radio Cymru
Cyflwynydd(wyr) Dylan Jones
Dyddiadau darlledu ers 4 Ionawr 1992
Podlediad bbc.co.uk/radiocymru

Rhaglen drafod pêl-droed ar BBC Radio Cymru yw Ar y Marc a ddechreuodd ar 4 Ionawr 1992. Fe'i darlledir ar fore Sadwrn a'r cyflwynydd ers y rhaglen gyntaf yw Dylan Jones.

Hanes[golygu | golygu cod y dudalen]

Y cynhyrchydd, Geraint Elis, oedd yn gyfrifol am y syniad ac fe ddarlledwyd y rhaglen gyntaf ar y bore Sadwrn cyn buddugoliaeth enwog Wrecsam dros Arsenal yng Nghwpan FA Lloegr. Yn ogystal â phêl-droed roedd y rhaglen yn wreiddiol yn trafod campau gwahanol gyda Dylan Llewelyn yn banelydd parhaol a chyda Bryn Tomos yn adolygu tudalenau chwaraeon y papurau newydd.

Penderfyniad y cynhyrchydd Dylan Wyn oedd cael y rhaglen i drafod pêl-droed yn unig ac ym 1996 ymunodd Aled Jones-Griffiths a Gary Pritchard fel panelwyr parhaol gyda'r papurau newydd yn cael eu hadolygu gan nifer o wahanol westeion gan gynnwys Iola Wyn, Glyn Griffiths, Sion Tecwyn ac Orig Williams. Yn 2000 dychwelodd Dylan Llewelyn i'r rhaglen gan ymuno â Gary Pritchard fel y panelwyr parhaol cyn i'r rhaglen newid eto yn 2010 i ddefnyddio cyfres o wahanol banelwyr gan gynnwys is-reolwr Cymru, Osian Roberts. Bellach mae mwy fyth o banelwyr wedi ymuno â’r garfan gan gynnwys Meilir Owen, Ywain Gwynedd, Nicky John, Owain Tudur Jones, Iwan Arwel ac Ian Gill.

Ac wrth i Gymru gyrraedd pencampwriaeth yr Ewros ym Mehefin 2016, bydd Dylan Jones a'r criw ynghanol y cefnogwyr yn darlledu yn Ffrainc.

Dolennau allanol[golygu | golygu cod y dudalen]