Antoon van Dyck
| Antoon van Dyck | |
|---|---|
 |
|
| Ganwyd | Anton van Dyck  22 Mawrth 1599 Antwerp |
| Bu farw | 9 Rhagfyr 1641 (42 oed) Llundain |
| Galwedigaeth | arlunydd, ysgythrwr |
| Gwaith nodedig | Jupiter ac Antiope, Siarl Iaf yn Hela, Siarl iaf mewn 3 safle |
| Arddull | portread (paentiad) |
| Prif ddylanwad | Peter Paul Rubens |
| Priod | Mary Ruthven |
Arlunydd o Fflandrys a ddaeth yn arlunydd y llys brenhinol yn Lloegr oedd Antoon van Dyck, hefyd wedi ei Seisnigo i Anthony van Dyck ac amrywiadau eraill (22 Mawrth 1599 – 9 Rhagfyr 1641).
Ganed Van Dyck yn Antwerp i rieni cefnog. Astudiodd arlunio dan Hendrick van Balen, a daeth yn arlunydd annibynnol erbyn tua 1615. O fewn ychydig flynyddoedd daeth yn brif gynorthwydd i Peter Paul Rubens.
Aeth i Loegr am gyfnod yn 1620, lle bu'n gweithio i Iago I, brenin Lloegr a'r Alban, yna bu yn yr Eidal o ddiwedd 1621 hyd 1627, gan weithio yn Genova yn bennaf. Dychwelodd i Lundain yn 1632, lle bu'n gweithio i'r brenin Siarl I fel prif arlunydd y llys. Mae'n adnabyddus am ei bortreadau o Siarl I a'i deulu.
Cymerwyd ef yn wael ym Mharis yn 1641, a bu farw yn fuan ar ôl dychwelyd i Lundain.
