Ani Glass
| Ani Glass | |
|---|---|
 | |
| Ffugenw | Ani Glass  |
| Ganwyd | Anna Eiluned Saunders 1984 |
| Dinasyddiaeth |  Cymru |
| Galwedigaeth | canwr |
| Gwefan | https://aniglass.bandcamp.com/ |
Cantores o dras Gymreig a Chernywaidd yw Anna Eiluned Saunders (ganwyd 20 Hydref 1984 yng Nghaerdydd)[angen ffynhonnell] sy'n fwy adnabyddus o dan ei henw llwyfan Ani Glass. Mae hi hefyd yn arlunydd ac yn ffotograffydd[1] ac mae hi wedi astudio am PhD mewn Datblygiad Economaidd a Rhanbarthol ym Mhrifysgol Caerdydd[2].
Bywgraffiad
[golygu | golygu cod]Mae ei chwaer Gwenno hefyd yn canu yn Gymraeg ac yn Gernyweg. Ei thad yw Tim Saunders, sy'n fardd ac yn ieithydd Cernyweg. Ganwyd Ani yng Nghaerdydd a chafodd hi ei magu yn siarad Cernyweg a Chymraeg.[3]
Gyrfa gerddorol
[golygu | golygu cod]Gyrfa gynnar (2004–2011)
[golygu | golygu cod]Cyn ymuno â'i chwaer yn y Pipettes yn 2008, roedd hi'n aelod o'r grŵp ‘Genie Queen’, a reolwyd gan Andy McCluskey o'r grŵp Orchestral Manoeuvres in the Dark. Fel aelod o'r Pipettes, hi ysgrifennodd a recordiodd ail albwm y grŵp, Earth vs The Pipettes yn 2010.
Wedi'r Pipettes (2011–2020)
[golygu | golygu cod]Ar ôl i'r Pipettes chwalu yn 2011 daeth yn ôl i Gaerdydd. Hi oedd un o aelodau'r band The Lovely Wars[4] cyn rhyddhau Ffôl, ei sengl unigol gyntaf hi yn 2015. [5] Dewiswyd Ffôl fel cân yr wythnos ar BBC Radio Cymru a chafodd ei chwarae hefyd ar BBC 6 music.[6] Ar ôl cyhoeddi tair cân fel lawrlwythiad digidol yn ystod 2015-6, daeth ei EP cyntaf, Ffrwydrad Tawel yn 2017. Cafodd yr EP, Ffrwydrad Tawel , ei hysbrydoli gan arddangosfa gelf o'r un enw gan yr arlunydd Ivor Davies.[7]
Dilynodd ei halbwm gyntaf yn 2020, sef Mirores (Observer)[8], gyda chaneuon yn y Gernyweg, Saesneg a Chymraeg. Enillodd wobr Albwm Cymraeg y flwyddyn yn yr Eisteddfod Genedlaethol yn 2020[9][10] yn ogystal â chyrraedd rhestr fer Gwobr Gerddoriaeth Gymreig 2020.
Dylanwad diwylliannol
[golygu | golygu cod]Urddwyd hi'n fardd yng Ngorsedh Kernow yn 2013 gyda'r enw barddol 'Mirores'.
Disgyddiaeth
[golygu | golygu cod]Gan The Pipettes
[golygu | golygu cod]| Blwyddyn | Albwm | Yn y Siart |
|---|---|---|
| DU | ||
| 2010 | Earth vs. The Pipettes | – |
Cyhoeddiadau albwm fel cantores unigol
[golygu | golygu cod]| Blwyddyn | Enw | Label | Ffurf | Iaith |
|---|---|---|---|---|
| 2020 | Mirores[11] | Recordiau Neb | Lawrlwythiad digidol, crynoddisg, feinyl | Cymraeg, Cernyweg, Saesneg |
Cyhoeddiadau EP Unigol
[golygu | golygu cod]| Blwyddyn | Enw | Label | Ffurf | Iaith |
|---|---|---|---|---|
| 2015 | "Ffôl" / "Little Things" | Recordiau Neb | Lawrlwythiad digidol | Cymraeg, Saesneg |
| 2016 | Y Ddawns | Recordiau Neb | Lawrlwythiad digidol | Cymraeg |
| 2017 | Ffrwydrad Tawel | Recordiau Neb | Lawrlwythiad digidol | Cymraeg |
| 2018 | Peirianwaith Perffaith | Recordiau Neb | Lawrlwythiad digidol | Cymraeg |
| 2020 | Ynys Araul | Recordiau Neb | Lawrlwythiad digidol | Cymraeg |
Cyfeiriadau
[golygu | golygu cod]- ↑ Selar, Y. (2018-09-26). "Peirianwaith Perffaith Ani Glass". Y Selar. Cyrchwyd 2025-08-21.
- ↑ Wright, Ellyn (2020-03-06). "Reflections: Ani Glass releases album inspired by Cardiff". The Cardiffian (yn Saesneg). Cyrchwyd 2025-08-21.
- ↑ Wright, Ellyn (2020-03-06). "Reflections: Ani Glass releases album inspired by Cardiff". The Cardiffian (yn Saesneg). Cyrchwyd 2025-08-21.
- ↑ "INTERVIEW: The Lovely Wars - Archive Of God Is In The TV" (yn Saesneg). 2013-07-01. Cyrchwyd 2025-08-21.
- ↑ electricityclub (2016-06-29). "Introducing ANI GLASS". ELECTRICITYCLUB.CO.UK (yn Saesneg). Cyrchwyd 2025-08-21.
- ↑ "Ani Glass's new single 'Y Ddawns' (The Dance) out 27th June 2016?!?!". americymru.net. Cyrchwyd 2025-08-21.
- ↑ Rockshot (2016-08-17). "Interview: Ani Glass, Heart of Ani. | Rockshot Magazine" (yn Saesneg). Cyrchwyd 2025-08-21.
- ↑ "Ani Glass". FOCUS Wales 2026 (yn Saesneg). Cyrchwyd 2025-08-21.
- ↑ "Welsh Language Album of the Year shortlist announced | Eisteddfod". eisteddfod.wales. Cyrchwyd 2025-08-21.
- ↑ "NEWS: Ani Glass Wins Welsh Language Album Of The Year 2020 - God Is In The TV" (yn Saesneg). 2020-08-01. Cyrchwyd 2025-08-21.
- ↑ Gareth Kent (10 Mawrth 2020). "Album: Mirores by Ani Glass". Wales Arts Review (yn Saesneg). Cyrchwyd 13 Tachwedd 2020.