Aneirin Talfan Davies

Oddi ar Wicipedia
Neidio i: llywio, chwilio
Aneirin Talfan Davies
Ganwyd 1909 Edit this on Wikidata
Bu farw 1980 Edit this on Wikidata
Gwaith Bardd Edit this on Wikidata
Teulu Alun Talfan Davies Edit this on Wikidata

Bardd, darlledwr, a beirniad llenyddol oedd Aneirin Talfan Davies (11 Mai 19091980) (Aneurin ap Talfan).

Bywgraffiad[golygu | golygu cod y dudalen]

Cafodd ei eni yn Nhrefach Felindre, Sir Gaerfyrddin, lle 'roedd ei dad yn weinidog, ac yna mynychodd Ysgol Ramadeg Tre-gŵyr wedi i'r teulu symud i Dre-gŵyr. Yn ystod y tridegau aeth i weithio i Lundain fel fferyllydd cyn dychwelyd ac ymsefydlu yn Abertawe. Yn ystod yr Ail Ryfel Byd dechreuodd weithio i'r BBC yn Abertawe, ac yn ddiweddarach daeth yn Rheolwr y BBC yng Nghymru, ac fe gynhyrchodd rhai o weithiau cynnar Dylan Thomas. Yn dilyn marwolaeth Dylan ysgrifennodd astudiaeth o'i waith fel bardd crefyddol. Cyfieithodd farddoniaeth Christina Rossetti i'r Gymraeg, a golygu llythyron David Jones a fu'n ddylanwad pwysig ar Aneirin Talfan.[1]

Roedd yn frawd i'r Barnwr Alun Talfan Davies. Gyda'i frawd sefydlodd y wasg a'r tŷ cyhoeddi Llyfrau'r Dryw yn Llandybie, a ddaeth yn ddiweddarach yn Christopher Davies. Sefydlodd hefyd y cylchgrawn Heddiw a gyda'i frawd y cylchgrawn Barn.

Ei fab yw Geraint Talfan Davies sydd wedi dal sawl swydd o bwys yng Nghymru

Llyfryddiaeth[golygu | golygu cod y dudalen]

  • Y Ddau Lais (1937). Cerddi.
  • Yr Alltud (1944). Astudiaeth o waith James Joyce.
  • Y Tir Diffaith (1946). Astudiaeth o waith T. S. Eliot.
  • Eliot, Pwshcin, Poe (1948). Astudiaeth.
  • Gwŷr Llên (1948). Beirniadaeth lenyddol.
  • (golygydd) Blodeugerdd o Englynion (1950)
  • (golygydd) Munudau gyda'r beirdd (1954)
  • Crwydro Sir Gâr (Cyfres Crwydro Cymru, 1955; 1970)
  • Sylwadau (1957)
  • Pregethau a Phregethu'r Eglwys (1957)
  • (golygydd) Englynion a Chywyddau (1958)
  • Dylan: Druid of the Broken Body (1964)
  • Yr Etifeddiaeth Dda (1967)
  • Gyda Gwawr y Bore (1970)
  • Crwydro Bro Morgannwg (Cyfres Crwydro Cymru, 1972)
  • Diannerch Erchwyn a Cherddi Eraill (1976). Cerddi.
  • David Jones: Letters to a friend (1979). Astudiaeth.

Cyfeiriadau[golygu | golygu cod y dudalen]

  1. Davies, John (Ed) (2008). The Welsh Academy Encyclopaedia of Wales. Cardiff: University of Wales Press. pp. 196 & 1975. ISBN 978-0-7083-1953-6.