Alys (Anturiaethau Alys yng Ngwlad Hud)
| Alys | |
|---|---|
 | |
| Dinasyddiaeth | Teyrnas Unedig Prydain Fawr ac Iwerddon  |
Cymeriad ffuglennol o'r llyfrau Alice's Adventures in Wonderland a'i ddilyniant Through the Looking-Glass, a ysgrifennwyd gan Lewis Carroll, ydy Alice, hefyd Alys. Merch ifanc ydy Alys o Loegr Oes Fictoria.
Datblygiad
[golygu | golygu cod]Mae'r cymeriad wedi'i seilio ar Alice Liddell, plentyn oedd yn gyfeillgar â Charles Lutwidge Dodgson (enw go iawn Lewis Carroll) ond dywedodd Dodgson nad oedd ei 'arwres fach' yn seiliedig ar unrhyw blentyn go iawn a'i bod yn hollol ffuglennol.[1] Portreadwyd Alys fel merch rhesymegol, weithiau'n bedantig, yn arbennig gyda Humpty Dumpty yn yr ail lyfr. Mae Through the Looking-Glass yn dweud bod Alys yn saith a hanner mlwydd oed, ond mae hi'n aeddfed. Mae'r stori Anturiaethau Alys yng Ngwlad Hud yn digwydd ar 4 Mai, penblwydd Alice Liddell. Mae'r stori Through the Looking-Glass yn digwydd ar 4 Tachwedd, ei hanner-penblwydd (dywedodd Alys yn y llyfr ei bod hi'n "saith a hanner yn union").
Amlinelliad y cymeriad
[golygu | golygu cod]Darlunir Alys yn boblogaidd yn gwisgo ffrog glas golau hyd at ei phenglin gyda phinaffor gwyn dros y ffrog. Roedd y ffrog yn felyn yn wreiddiol yn The Nursery "Alice", y fersiwn cyntaf o Alice's Adventures in Wonderland i ddefnyddio lliwiau. Yn y darluniau Through the Looking-Glass, mae Alys yn gwisgo rhuban llydan a, fel adlais i Alys, chaiff rwymynnau gwallt eu henwi yn 'Alice bands', yn arbennig yn y DU.
Lluniadwyd Alys yn gyntaf yn ddu a gwyn a byddai'r lliwiau yn newid o artist i artist; sut bynnag, yng ngweithiau lliw cynnar John Tenniel, roedd ffrog Alys yn las, roedd amlinell goch ar ei phinaffor gwyn a'r oedd gwallt golau ganddi[2] a dyma'r ddelwedd enwocaf o Alys heddiw, fel y gwelir gan Disney. Lluniadodd Tenniel Alys mewn dau amrywiolyn, yn Through the Looking-Glass, mae mwy ryfflau ar binaffor Alys acmae hi'n gwisgo hosanau streipïog sy'n rhan o ddelwedd Alys hyd heddiw.
Cyfeiriadau
[golygu | golygu cod]- ↑ Cohen, Morton N. The Letters of Lewis Carroll, London, Macmillan (1979) ISBN 0333089790
- ↑ "John Tenniel illustration for Alice's Adventures in Wonderland (1865)". Archifwyd o'r gwreiddiol ar 2010-10-10. Cyrchwyd 2010-09-15.