Al-Nawaat

Oddi ar Wicipedia
Jump to navigation Jump to search
Logo Al-Nawaat

Blog cydweithredol dros newid democrataidd yn Nhiwnisia yw Al-Nawaat (Ffrangeg: Nawaat de Tunisie). Mae'n fforwm i fynegi gwrthwynebiad i lywodraeth Zine Ben Ali, i drosglwyddo newyddion a gwybodaeth am y frwydr dros ddemocratiaeth a hawliau dynol, ac i ddod â sawl grŵp ac unigolyn at ei gilydd er mwyn newid y sefyllfa yn Nhiwnisia. Mae'n hawlio ei fod yn "blog cydweithredol annibynnol gan Diwnisiaid" sy'n "annibynnol ar bob mudiad, sefydliad a llywodraeth" ac sy ddim yn derbyn arian gan unrhyw blaid wleidyddol. Fe'i cyhoeddir yn ddwyieithog, yn Arabeg a Ffrangeg, gyda'r newyddion ar gael yn rhannol yn Saesneg hefyd.[1]

Fe'i sefydlwyd yn 2004. Cafodd ei wahardd ar unwaith gan y llywodraeth; ni ellir cyrchu eu gwefannau o gwbl o Diwnisia. Mae'n rhedeg sawl gwefan yn cynnwys y brif wefan, nawaat.org, tudalen Twitter, tudalen newyddion (posterous.com) a'r adran Tunileaks sy'n cyhoeddi dogfennau Cablegate a dogfennau eraill gan WikiLeaks sy'n ymwneud â Thiwnisia.[1]

Erbyn heddiw dyma'r brif fforwm dros newid yn Nhiwnisia. Dyma'r brif gyfrwng y rhai sy'n cefnogi'r intifada yn Nhiwnisia a ddechreuodd yn Rhagfyr 2010 yn Sidi Bouzid.

Cyfeiriadau[golygu | golygu cod y dudalen]

  1. 1.0 1.1 gwybodaeth ar wefan nawaat.org.

Dolenni allanol[golygu | golygu cod y dudalen]