Afon Carrog

Oddi ar Wicipedia
Jump to navigation Jump to search
Afon Carrog
Math Afon Edit this on Wikidata
Daearyddiaeth
Sir Gwynedd Edit this on Wikidata
Gwlad Baner Cymru Cymru
Gerllaw Bae'r Foryd Edit this on Wikidata
Cyfesurynnau 53.091043°N 4.296642°W Edit this on Wikidata

Afon yn ardal Arfon, Gwynedd, yw Afon Carrog. Mae'n llifo o'r bryniau ger Rhostryfan i'w haber ar Fae'r Foryd ger Llanwnda. Ei hyd yw tua 4 milltir.

Cwrs[golygu | golygu cod y dudalen]

Mae tarddle Afon Carrog yn y bryniau isel i'r de o bentref Rhostryfan gerllaw Plas Tryfan. Oddi yno mae'n llifo i lawr i gyfeiriad y gorllewin drwy gaeau gan fynd dan bont ar yr A487 yn y Dolydd, lle mae'n uno ag Afon Wyled, ac un arall yn is i lawr ar yr A499, a elwir yn gyfeiliornus yn Bont Wyled). Ger Llanwnda mae'n llifo heibio i hen amddiffynfa Dinas y Pryf.[1] Am y rhan fwyaf o'i chwrs mae hi'n ffurfio'r ffîn rhwng plwyfi Llandwrog a Llanwnda.

Aber Afon Carrog
Afon Carrog ger Llanwnda

Mae'n gwneud tro bedol wedyn i lifo i gyfeiriad y gogledd am weddill ei thaith. Saif ei haber ar lan traeth lleidiog eang Bae'r Foryd, tua milltir i'r gogledd o bentref Llandwrog, yn agos i aberoedd Afon Foryd ac Afon Gwyrfai.

Cyfeiriadau[golygu | golygu cod y dudalen]

  1. Map OS Landranger 1:50,000 Taflen 123.
Comin Wikimedia
Mae gan Gomin Wikimedia
gyfryngau sy'n berthnasol i: