Adran Trysorlys yr Unol Daleithiau

Oddi ar Wicipedia
Jump to navigation Jump to search
Adran Trysorlys yr Unol Daleithiau
United States Department of the Treasury
Seal of the United States Department of the Treasury.svg
Sêl Adran y Trysorlys
Flag of the United States Department of the Treasury.png
Baner Adran y Trysorlys
U.S. Treasury Building and Albert Gallatin Statue.jpg
Adeilad y Trysorlys
Gorolwg Agency
Ffurfiwyd Medi 2, 1789; 231 o flynyddoedd yn ôl (1789-09-02)
Preceding agency
  • Bwrdd y Trysorlys
Math Adran gweithredol
Awdurdodaeth Llywodraeth ffederal yr Unol Daleithiau
Pencadlys Adeilad y Trysorlys
1500 Pennsylvania Avenue, NW
Washington, D.C., UDA
38°53′54″N 77°2′3″W / 38.89833°N 77.03417°W / 38.89833; -77.03417Cyfesurynnau: 38°53′54″N 77°2′3″W / 38.89833°N 77.03417°W / 38.89833; -77.03417
Gweithwyr 87,336 (2019)
Cyllid blynyddol $20 biliwn (2019)[1]
Swyddogion Asiantaeth
Child agencies
  • Y Gwasanaeth Cyllid Gwladol
  • Bathdy yr Unol Daleithiau
  • Y Biwro Engrafio ac Argraffu
  • eraill
Gwefan www.treasury.gov

Trysorlys cenedlaethol Unol Daleithiau America yw Adran Trysorlys yr Unol Daleithiau (Saesneg: United States Department of the Treasury; USDT)[2] sydd yn un o adrannau gweithredol llywodraeth ffederal yr Unol Daleithiau.[3] Mae'r adran yn goruchwylio'r Biwro Engrafio ac Argraffu a Bathdy yr Unol Daleithiau, y ddwy asiantaeth sydd yn gyfrifol am gynhyrchu'r holl bapurau doleri a darnau arian cyfred a gylchredir gan y Trysorlys yn y system gyllidol wladol. Cesglir holl drethi ffederal yr Unol Daleithiau gan yr USDT drwy'r Gwasanaeth Cyllid Gwladol, ac mae'r adran hefyd yn rheoli offerynnau dyled y llywodraeth ffederal, yn trwyddedu ac arolygu banciau a banciau cynilion, ac yn cynghori Cyngres yr Unol Daleithiau ac adran weithredol y llywodraeth am bolisi cyllidol. Gweinyddir yr USDT gan Ysgrifennydd y Trysorlys, un o aelodau'r Cabinet. Mae Trysorydd yr Unol Daleithiau yn meddu ar ddyletswyddau statudol cyfyng ac yn cynghori'r Ysgrifennydd am bynciau megis bathu arian a chynhyrchu'r arian cyfred.[4] Ymddengys llofnodion yr Ysgrifennydd a'r Trysorydd ar holl bapurau doleri'r Unol Daleithiau a gyhoeddir i fanciau'r Gronfa Ffederal.[5]

Crewyd Adran y Trysorlys gan Ddeddf Gyngresol ym 1789 er mwyn rheoli cyllid y llywodraeth, a chymerodd Alexander Hamilton ei lw yn Ysgrifennydd cyntaf y Trysorlys ar 11 Medi 1789.[6] Penodwyd Hamilton gan yr Arlywydd George Washington ar gyngor yr ariannwr Robert Morris, dewis cyntaf Washington, a wrthododd y swydd.[7] Sefydlwyd system ariannol gynnar yr Unol Daleithiau gan Hamilton, a oedd yn un o aelodau blaenllaw gweinyddiaeth Washington.[8] Ymddengys portread Hamilton ar wyneb blaen y papur $10, a llun o adeilad Adran y Trysorlys, yn Washington, D.C., ar ei wrthwyneb.[9] Ysgrifennydd cyfredol y Trysorlys ydy Steven Mnuchin, a gafodd ei dderbyn gan Senedd yr Unol Daleithiau ar 13 Chwefror 2017 wedi iddo gael ei enwebu gan yr Arlywydd Donald Trump.[10] Mae swydd y Trysorydd yn wag ar hyn o bryd, wedi i Jovita Carranza ymddiswyddo ar 15 Ionawr 2020.[11]

Cyfeiriadau[golygu | golygu cod y dudalen]

  1. "Department of Treasury - List of Federal Departments".
  2. Donald A. Torres (1985). Handbook of Federal Police and Investigative Agencies. Greenwood Publishing Group. t. 275. ISBN 0313245789.
  3. "An Act to Establish the Treasury Department". September 2, 1789. Cyrchwyd 2018-10-11.
  4. "The Treasurer". U.S. Department of the Treasury. Cyrchwyd 6 May 2018.
  5. Crutsinger, Martin (15 November 2017). "New money: Mnuchin and Carranza signatures now on the dollar bill". USA Today. Gannett Satellite Information Network, LLC. The Associated Press. Cyrchwyd 6 May 2018.
  6. "Appointment as Secretary of the Treasury".
  7. Adams, Jonathan. "Department of the Treasury". George Washington Digital Encyclopedia. Mount Vernon Ladies' Association. Cyrchwyd 6 May 2018.
  8. Scanlan, Laura Wolff (2006). "Alexander Hamilton: the man who modernized money". Humanities: The Magazine of the National Endowment for the Humanities 27 (1). https://www.neh.gov/humanities/2006/januaryfebruary/feature/alexander-hamilton. Adalwyd 6 May 2018.
  9. "$10". U.S. Currency Education Program. Cyrchwyd 6 May 2018.
  10. Rappeport, Alan (13 February 2017). "Steven Mnuchin is confirmed as Treasury Secretary". The New York Times (Page A19). The New York Times Company. Cyrchwyd 6 May 2018.
  11. "Jovita Carranza: Treasurer, U.S. Department of the Treasury". U.S. Department of the Treasury. Cyrchwyd 6 May 2018.