Ynysoedd Kerguelen

Oddi ar Wicipedia
Neidio i: llywio, chwilio
Lleoliad Ynysoedd Kerguelen

Ynysoedd yn rhan ddeheuol Cefnfor India sy'n un o diriogaethau tramor Ffrainc yw Ynysoedd Kerguelen (Ffrangeg: Îles Kerguelen, ar un adeg îles de la Désolation). Maent yn ffurfio un o bump ardal Tiriogaethau deheuol ac Antarctig Ffrainc (Terres australes et antarctiques françaises) (TAAF). Y brif ynys yw Grande-Terre des Kerguelen, sy'n ynys trydydd-fwyaf Ffrainc. Nid oes poblogaeth barhaol ar yr ynysoedd.

Darganfyddwyd yr ynysoedd yn 1772 gan Yves Joseph de Kerguelen de Trémarec. Hyd ar ddechrau'r 20fed ganrif, defnyddid hwy gan helwyr morloi a morfilod. Gostyngodd niferoedd y rhain yn fawr oherwydd gor-hela, ond maent yn awr wedi cynyddu eto. Ceir hefyd lawer o adar y môr yn nythu yma, yn cynnwys yr albatros. Ers 1950, mae Ffrainc wedi cynnal gorsaf wyddonol Port-aux-Français yma, gyda staff o 60 hyd 100 o bobl.

Mae Kerguelen hefyd yn deitl cerdd gan Waldo Williams.

Rhan ddeheuol Rhewlif Cook