Albatros

Oddi ar Wicipedia
Neidio i: llywio, chwilio
Albatrosiaid
Albatros Aelddu (Thalassarche melanophris)
Dosbarthiad gwyddonol
Teyrnas: Animalia
Ffylwm: Chordata
Dosbarth: Aves
Urdd: Procellariiformes
Teulu: Diomedeidae
G.R. Gray, 1840
Genera

Diomedea
Thalassarche
Phoebastria
Phoebetria

Albatros yw'r enw a ddefnyddir am adar môr mawr yn perthyn i'r teulu Diomedeidae. Maent i'w cael yn rhan ddeheuol Cefnfor Iwerydd ac yn rhannau deheuol a gogleddol y Cefnfor Tawel. Treuliant y rhan fwyaf o'u hamser ar y môr, gan ddychwelyd i'r tir yn unig i fagu cywion. Caiff yr albatros ei adnabod fel y "mwyaf chwedlonol" o holl adar y Ddaear.[1]

Mae'r albatrosiaid hynny sy'n perthyn i'r genws Diomedea, "yr albatrosiaid mawr", ymysg yr adar mwyaf sy'n medru hedfan. Mae'r adenydd yn hir a chul, sy'n eu galluogi i fanteisio ar y gwyntoedd i hedfan dros bellteroedd mawr heb ddefnyddio llawer o egni. Pan nad oes gwynt o gwbl, ni all llawer o'r albatrosiaid hedfan. Eu bwyd arferol yw pysgod bychain a krill.

O'r 21 rhywogaeth o albatros, ystyrir fod 19 ohonynt mewn perygl o ddiflannu. Y perygl mwyaf iddynt yw cychod pysgota sy'n defnyddio leiniau pysgota hir i ddal rhai rhywogaethau o bysgod; mae llawer o albatrosiaid yn cael eu dal ar y rhain.

Lledaeniad rhywogaethau o albatros

Cyfeiriadau[golygu]

  1. Carboneras, C. (1992) "Family Diomedeidae (Albatross)" yn Handbook of Birds of the World Cyfrol 1. Barcelona:Lynx Edicions, ISBN 84-87334-10-5