Tiriogaethau tramor Ffrainc

France d'outre-mer yn 2008.

Term a ddefnyddir am y rhannau hynny o Ffrainc sydd tros y môr yw Tiriogaethau tramor Ffrainc (Ffrangeg: France d'outre-mer). Yn Ffrangeg, fe'u talfyrrir yn aml i DOM-TOM, sy'n dynodi Département d'outre-mer - Territoire d'outre-mer. Yn 2009, roedd gan y rhannau hyn boblogaeth o 2,624,505.

Ceir sawl categori o diriogaethau:

Départements a régions

Mae statws y rhain yr un fath ag unrhyw département a région arall yn Ffrainc, ac yn rhan o Ffrainc a'r Undeb Ewropeaidd, er bod rhai rheolau arbennig gan yr UE.

• Guadeloupe (971) ;
• Martinique (972) ;
• Guyane (973) ;
• Réunion (974) .

Collectivité d'outre-mer

Mae union statws y tiriogaethau hyn yn amrywio. Maent yn cynnwys:

• Polynésie française (pays d'outre-mer)
• Saint-Pierre-et-Miquelon
• Wallis-et-Futuna
• Mayotte (collectivité départementale d'outre-mer)
• Saint-Martin
• Saint-Barthélemy

Eraill

• Mae Caledonia Newydd yn cael ei hystyried fel tiriogaeth unigryw, heb fod ei statws wedi ei ddynodi'n fanwl yn gyfansoddiadol.
• Tiriogaethau deheuol ac Antarctig Ffrainc