Shelley Rees-Owen
| Shelley Rees-Owen | |
|---|---|
| Ganwyd | 1974  Cymru |
| Dinasyddiaeth |  Cymru |
| Alma mater | |
| Galwedigaeth | actor |
Actores a gwleidydd Cymreig yw Shelley Rees-Owen (ganwyd 30 Ionawr 1974)[1] ddaeth yn adnabyddus am chwarae y cymeriad Stacey Jones yn y gyfres sebon Pobol y Cwm.[2]
Bywyd cynnar ac addysg[golygu | golygu cod]
Mynychodd Ysgol Gynradd Gymraeg Ynyswen, Treorci, ac Ysgol Gyfun Rhydfelen a wedyn Ysgol Gyfun Llanhari ar gyfer y chweched dosbarth. Cafodd gyfle i actio yn yr ysgol a penderfynodd ei fod am gael gyrfa yn y maes.[1]
Gyrfa[golygu | golygu cod]
Yn 1993, ymunodd a chast Pobol y Cwm gan chwarae y ferch ysgol Stacey Jones. Cymerodd hoe o'r gwaith yn 1996 i weithio ar bethau eraill, gan wneud ffilm yn Rwsia, Ffrainc a chafodd gyfle i deithio Prydain ac Awstralia mewn drama lwyfan. Yn 1999 roedd cynhyrchydd y gyfres yn awyddus i Stacey ddychwelyd i Gwmderi. Erbyn hyn roedd Shelley wedi cael ei merch Lowri a felly yn hapus i ddychwelyd i'r sebon.
Bu hefyd yn chwarae rhan Jo Pugh yn y gyfres ddrama 2 Dy a Ni,[3] lle chafodd enwebiad am wobr BAFTA Cymru.[4]
Gwleidyddiaeth[golygu | golygu cod]
Mae Shelley yn aelod gweithgar o Blaid Cymru ac fe'i hetholwyd yn gynghorydd dros ward Pentre ar gyngor Rhondda Cynon Taf yn Mai 2012. Bu'n ymgeisydd Plaid Cymru dros y Rhondda yn etholiad San Steffan, 2015.[5]
Cyfeiriadau[golygu | golygu cod]
- ↑ 1.0 1.1 Portread y Mis - Shelley Rees. BBC Lleol. Adalwyd ar 19 Mehefin 2016.
- ↑ "2 Dy a Ni". WalesOnline. 2009-04-17. Cyrchwyd 2010-01-20.
- ↑ Powell, David (2008-09-08).
- ↑ "Bafta nominations for Welsh talent".
- ↑ Mae AS Plaid Cymru dros y Rhondda yn “angenrheidiol” medd ymgeisydd. Plaid Cymru (19 Mehefin 2016).
Dolenni allanol[golygu | golygu cod]
- Shelley Rees-Owen ar wefan Internet Movie Database
- Shelley Rees-Owen ar Twitter
- CV ar wefan asiantaeth
Archifwyd 2016-03-22 yn y Peiriant Wayback.