Proffwydi Islam

Mae Mwslimiaid yn ystyried sawl bod dynol yn un o broffwydi Islam.

Proffwydi yn y Coran

Enwir sawl proffwyd yn Coran, gan ddechrau gyda Adda, "y dyn cyntaf". Cred Mwslemiaid fod y proffwydi hyn yn olyniaeth dan law Duw (Allah) ac mai'r Proffwyd Muhammad yw'r olaf am iddo ddatgelu y Coran i'r dynolryw (ond cred rhai yn nyfodiad y Mahdi hefyd).

Enw (Arabeg)	Enw (Beiblaidd)	Prif erthygl(au)	Cyfeiriadau yn y Coran (nifer y sŵras lle ceir cyfeiriadau)
آدم Adam	Adda	Prif erthyglau: Adda yn Islam, Adda a Adda ac Efa.	5
	"Adda yw proffwyd cyntaf Islam a'r bod dynol cyntaf i gael ei greu." Mae'n ffigwr pwysig yn Iddewiaeth a'r Gristnogaeth hefyd sy'n cael ei gysylltu yn bennaf a hanes Adda ac Efa fel y'i ceir yn Llyfr Genesis, y Coran a ffynonellau eraill.
إدريس Idris	Enoc	Prif erthyglau: Idris (proffwyd) a Enoc.	3
	Roedd Idris yn broffwyd a achubodd y ddynoliaeth rhag sychder mawr trwy weddio ar Dduw am law.
نوح Nuh	Noa	Prif erthyglau: Noa yn Islam a Noa.	7
	Cysylltir Noa a hanes y Dilyw, ond yn Islam fe'i cofir yn bennaf am hyrwyddo unduwiaeth.
هود Hud	Eber	Prif erthygl: Hud (proffwyd).	9
	Un o'r ychydig rai i oeroesi dilyw a anfonwyd gan Dduw oedd Hud (Eber), yn ôl y sŵra Hud yn y Coran.
صالح Saleh	Shaloh	Prif erthygl: Saleh.	7
	Yn ôl y Coran, dewiswyd Saleh gan Dduw i achub ei bobl rhag cosb ddwyfol.
إبراهيم Ibrahim	Abraham	Prif erthyglau: Abraham yn Islam a Abraham.	5
	Ibrahim yw un o broffwydi mwyaf Islam am fod Mwslemiaid yn credi iddo ailgodi'r Kaaba ym Mecca. Ei fab oedd Ishmael.
لوط Lut	Lot	Prif erthyglau: Lot yn Islam a Lot.	2
	Cofir am Lot yn Islam am ei ran yn hanes Sodom a Gomorra. Mae Islam yn gwrthod rhai o'r hanesion amdano yn y Hen Destament, iddo feddwi a chysgu gyda'i merched er enghraifft, fel rhai cableddus ac enllibus.
إسماعيل Isma'il	Ishmael	Prif erthygl: Ishmael.	9
	Mab cyntafanedig Ibrahim a phroffwyd mawr yn Islam yw Ishmael. Fe'i cysylltir a darganfod y ffynnon sanctaidd Zamzam, ger Mecca.
إسحاق Ishaq	Isaac	Prif erthygl: Isaac.	9
	Ail fab Abraham oedd Isaac, a ddaeth yn broffwyd yng ngwlad Canaan.
يعقوب Yakub	Iacob	Prif erthygl: Iacob.	2
	Yr oedd Yakub yn broffwyd a mab i Isaac, a barhaodd a gwaith ei daid Abraham.
يوسف Yusuf	Ioseff	Prif erthyglau: Ioseff yn Islam a Ioseff.	3
	Mab Iacob a disgynydd i Ibrahim oedd Yusuf. Ceir hanes amdano yn gynghori brenin yr Aifft. Yn ôl dysgeidiaeth Islam, bendithwyd Yusuf â harddwch eithriadol.
أيوب Ayyub	Job	Prif erthygl: Job.	8
	Bendithwyd Ayyub â ffynnon ieunctid am ei wasanaeth i Dduw yn ei dref ger Al Majdal.
شعيب Shu'aib	Jethro	Prif erthyglau: Shoaib a Jethro.	2
	Un o ddisgynyddion Abraham oedd Shu'aib. Roedd yn byw yn ardal Sinai.
موسى Musa	Moses	Prif erthyglau: Moses yn Islam a Moses.	5
	Ceir mwy o gyfeiriadau at Musa yn y Qur'an nag at unrhyw broffwyd arall. Credir iddo ddatguddio'r Tawrat (Torah) i'r Hebreaid. Fe'i cysylltir ag ardal Sinai lle cafodd y Deg Gorchymyn wrth arwain yr Hebreaid o'r Aifft i Dir yr Addewid.
هارون Harūn	Aaron	Prif erthygl: Aaron.	8
	Brawd Musa (Moses) oedd Harun (Aaron).
ذو الكفل Dhul-Kifl	Ezekiel	Prif erthyglau: Dhul-Kifl a Ezekiel.	5
	Mae statws Dhul-Kifl fel proffwyd yn ddadleuol yn Islam, er bod parch mawr ato fel arall. Mae rhai ymchwilwyr yn ceisio ei uniaethu ag Obadiah yn y Beibl.
داود Dawud	Dafydd	Prif erthygl: Dafydd.	7
	Yn Islam, datgelodd Duw y Zabur (Salmau) i Dawud. Ef hefyd a orchfygodd y cawr Goliath.
سليمان Süleyman	Solomon	Prif erthyglau: Solomon yn Islam a Solomon.	6
	Mab Dafydd a phroffwyd doeth oedd Solomon (Arabeg: Süleyman). Cafodd y ddawn i reoli elfennau natur, yn cynnwys y jinn. Roedd ei deyrnas yn ymestyn o Balesteina hyd Arabia, yn ôl y Coran.
إلياس Ilyas	Elija	Prif erthygl: Elija.	3
	Un o ddisgynyddion Harun (Aaron) oedd Ilyas (Elijah), a olynodd y brenin Sulaiman (Solomon).
اليسع Al-Yasa	Elisha	Prif erthygl: Elisha.	3
	Proffwyd a arweiniodd ei bobl ar ôl marwolaeth Elija oedd Al-Yasa (Elisha).
يونس Yunus	Jonah	Prif erthygl: Jonah.	5
	Yn Islam mae Duw yn gorchymun Yunus (Jonah) i arwain pobl Nineveh ar lwybr cyfiawnder.
زكريا Zakariya	Zechariah	Prif erthygl: Zechariah.	6
	Yn ddisgynydd i Solomon, Zakariya (Zechariah) oedd ymgeleddwr Maryam (Mair, mam 'Isa.
يحيى Yahya	Ioan Fedyddiwr	Prif erthygl: Ioan Fedyddiwr.	2
	Yahya (Ioan) oedd cefnder Isa; does dim cyfeiriad ato yn bedyddio Iesu yn y Coran.
عيسى Isa	Iesu	Prif erthyglau: Iesu yn Islam a Iesu.	3
	Ystyrir Isa yn un o broffwydi pennaf Islam, fel Eisa al-Maseeh, (Iesu y Meseia). Nid yw'n cael ei dderbyn fel unig Fab Duw ond yn hytrach fel nabi a rasul (negesydd) Duw.
محمد Muhammed	Ahmad أحمد	Prif erthygl: Muhammed.	294
	I Fwslemiaid uniongred, Muhammed yw'r olaf o'r proffwydi. Sefydlodd grefydd Islam ar ddechrau'r 7fed ganrif.

Gweler hefyd

• Coran
• Yr Hen Destament
• Islam
• Nabi
• Proffwyd
• Rasul

Eginyn erthygl sydd uchod am Islam. Gallwch helpu Wicipedia drwy ychwanegu ato