Solomon

Oddi ar Wicipedia
Neidio i: llywio, chwilio
Y brenin Solomon; llun o'r Siahnama o Bersia

Solomon, hen ffurf Gymraeg Selyf a hefyd Salmon (Hebraeg: שלמה, "Shlomo", Arabeg: سليمان"Süleyman"), oedd brenin teyrnas unedig Israel yn ystod ei Hoes Aur. Teyrnasodd o tua 975 CC neu 970 CC hyd 925 CC. Yn ôl yr Hen Destament, ef oedd yn gyfrifol am adeiladu'r deml gyntaf yn Jeriwsalem, Teml Solomon.

Roedd Solomon yn fab i'r brenin Dafydd a'i wraig Bathsheba. Roedd yn enwog am ei ddoethineb a'i gyfoeth. Fodd bynnag, roedd anfodlonrwydd ynghylch y trethi uchel a godai ar y wlad, ac wedi ei farwolaeth, ymrannodd y deyrnas yn ddwy ran, Israel a Jiwda.

Yn draddodiadol, priodolir Caniad Solomon iddo, ond ystyrir fod y gwaith yma yn deillio o gyfnod diweddarach.