Margaret Beaufort

Oddi ar Wicipedia
Neidio i: llywio, chwilio
Margaret Beaufort

Margaret Beaufort, Comtes Richmond (31 Mai, 1443 - 29 Mehefin, 1509), oedd merch John, Dug 1af Somerset a mam Harri Tudur (Harri VII, brenin Lloegr). Yn 1455, a hithau'n ferch ifanc 12 oed, priododd Edmwnd Tudur, mab Catherine de Valois gan Owain Tudur a brawd Siasbar Tudur. Bu farw Edmwnd yn 1456, ond cawsant fab. Trwy ei fam roedd Harri Tudur yn medru olrhain ei dras i John o Gaunt ac felly'n medru hawlio Coron Lloegr yn enw'r Lancastriaid. Ar ôl marwolaeth Edmwnd priododd Thomas, Arglwydd Stanley.

Cafodd Margaret ei charcharu am gyfnod gan yr Iorciaid yn ystod Rhyfeloedd y Rhosynnau.

Roedd hi'n noddwr i'r argraffydd arloesol William Caxton a sefydliadau ym mhrifysgolion Rhydychen a Caergrawnt. Hi fu'n gyfrifol yn ogystal am godi'r adeilad presennol o gwmpas Ffynnon Wenffrei yn Nhreffynnon, Sir y Fflint (1490 - 1500).

Priododd Margaret:

  1. John de la Pole, Dug Suffolk (c.1450-1453)
  2. Edmwnd Tudur (1455-1456)
  3. Syr Henry Stafford (1458–1471)
  4. Thomas, Arglwydd Stanley (1472-1504)


Hourglass.svg Eginyn erthygl sydd uchod am hanes. Gallwch helpu Wicipedia drwy ychwanegu ato