John Elwyn Jones
Cyfieithydd o'r Almaeneg, Pwyleg a'r Ffrangeg i'r Gymraeg oedd John Elwyn Jones (bu farw 25 Medi 2008). Yn frodor o ardal Dolgellau, magwyd ef ym Mryn Mawr.
Gyrfa [golygu]
Ymunodd â’r Gwarchodlu Cymreig dechrau'r ail ryfel byd ond cymerwyd ef yn garcharor rhyfel ger Boulogne ym 1940. Wedi iddo ddianc, ymunodd â Fyddin Gel y Pwyliaid cyn dychwelyd drwy Sweden yn ôl i Brydain. Anrhydeddwyd ef â Distinguished Conduct Medal am ei waith. Wedi'r rhyfel bu'n athro yn Ysgol Dr Williams, Dolgellau. Daeth yn rhugl yn Ffrangeg, Almaeneg, Rwsieg a Phwyleg, mae e wedi cyfieithu tua dwsin o gyfrolau o’r ieithoedd hynny i’r Gymraeg. Yn ogystal â Pum Cynnig i Gymro a 'hunangofiant' a ymddangosodd ym 1971, cyhoeddodd dair cyfrol o hunangofiant o dan y teitl Yn fy Ffordd fy Hun. Bu farw John Elwyn Jones, 25 Medi 2008 yn 87 oed. Roedd ei angladd yng Nghapel yr Annibynwyr, Brithdir, 2 Hydref 2008 dan ofal y Parch. Iwan Llywelyn Jones.
Llyfryddiaeth [golygu]
- Cyfieithiadau
- Gwyrdd Fel Afal Awst gan Horst Biernath. Gwasg Gomer, ISBN 0850880742
- Rhybudd: trofeydd! gan Horst Biernath. Y Bala : Llyfrau'r Faner, 1972.
- Llond ceg o lwc gan Horst Biernath, 1977. Aberystwyth : Cambrian News Cyf, 1978.
- Ôl Traed yn y Tywod (Spuren im Sand, 1953) gan Hans Werner Richter. Cyngor Llyfrau Cymraeg, 1968
- Nos Galan (Krabat 1971) gan Otfried Preussler. Y Dref Wen, 1974. ISBN 0904910016
- Carnifal (Karnival) chwech stori fer gan Heinrich Böll, Llyfrau'r Faner, 1973
- Lludw a Diemwnt (Popiól I Diament) gan Jerzy Andrzejewski. Gomer Press, ISBN 0850883237
- Storïau Byr O'r Bwyleg gan Bolesaw Prus. Llyfrau'r Faner, ISBN 090169519X
- Detholiad o'i Gerddi gan Zbigniew Herbert, cyfieithwyd gan Gwyn Thomas, John Elwyn Jones, Nesta Wyn Jones. 'Cyfres Barddoniaeth Pwyllgor Cyfieithiadau'r Academi Gymreig - Cyfrol V' 1985.
- Milwr Napoleon (Histoire d’un Conscrit de 1813 gan Chatrian Erckmann). Llanrwst : Gwasg Carreg Gwalch, 1990.
- Gwaith gwreiddiol
- Pysgotwyr Llydaw : (nofel gan Pierre Loti). 1985
- Pum Cynnig I Gymro, Gwasg Carreg Gwalch, 1987. ISBN 0863810799
- Yn Fy Ffordd Fy Hun: Hunangofiant Dyn Byrbwyll. Gwasg Carreg Gwalch, 1986. ISBN 0863810543
- At the Fifth Attempt Pen & Sword Books Limited, ISBN 0850523613
