Gruff Rhys

Oddi ar Wicipedia
Neidio i: llywio, chwilio
Gruff, ar y llwyfan gyda'r band Mogwai yn yr Alban yn 2001

Prif leisydd a gitarydd y band Super Furry Animals yw Gruff Rhys (ganwyd 18 Gorffennaf 1970). Cafodd ei eni yn Hwlffordd, yn fab i Ioan Bowen Rees, ond symudodd y teulu i Rachub, ger Bethesda yn 1974. Mynychodd Gruff Ysgol Dyffryn Ogwen ym Methesda.

Mae ganddo steil unigryw o chwarae'r gitâr. Mae'n chwarae â'i law chwith, ond am iddo ddysgu chwarae ar gitâr llaw dde ei frawd, gesyd ei dannau yn y drefn honno (fel arfer bydd pobl llaw chwith yn newid trefn y tannau i hwyluso'r chwarae).

Ysgrifennodd ganeuon pan oedd yn ifanc iawn. Bu'n ddrymiwr yn y band Emily a Ffa Coffi Pawb cyn ffurfio'r grŵp Super Furry Animals, ar ôl mudo i dde Cymru.

Ar 24 Ionawr 2005, rhyddhaodd Gruff ei albym unigol cyntaf, Yr Atal Genhedlaeth, yn gyfan gwbl Gymraeg. Rhyddhawyd ei ail albwm Candylion, yn Gymraeg, Saesneg a Sbaeneg, ar 8 Ionawr 2007.

Disgograffi[golygu]

Albymau[golygu]

Dolenni Allanol[golygu]

  • [1] Bywgraffiad Gruff ar wefan y BBC
  • [2] Super Furry Animals
  • [3] Placid Casual
  • [4] Safle MySpace Gruff
  • [5] NSafle MySpace eon Neon
  • [6] Safle MySpace answyddogol The Bear
  • [7] Cyfweliad SFA gyda'r BBC
  • [8] Pwt am Candylion ar wefan The Wheel's Still In Spin


Baner CymruEicon person Eginyn erthygl sydd uchod am Gymro neu Gymraes. Gallwch helpu Wicipedia drwy ychwanegu ato.