Ankst

Oddi ar Wicipedia
Neidio i: llywio, chwilio
Ankst
Logo Ankst.jpg
Sefydlwyd 1988
Sylfaenydd Alun Llwyd, Gruffudd Jones ac Emyr Glyn Williams
Diddymwyd 1998
Math o gerddoriaeth Amrywiaeth annibynol
Gwlad Cymru

Roedd Ankst yn label recordio annibynol Cymraeg. Sefydlwyd yn 1988 ym Mhrifysgol Cymru, Aberystwyth gan Alun Llwyd, Gruffudd Jones ac Emyr Glyn Williams. Wedi rhyddhau sawl caset ar raddfa fechan, symudodd y label i Gaerdydd a daeth yn bwysicach ym myd cerddoriaeth. Bu yn gyfrifol am lwyddiant sawl band Cymraeg gan gynnwys Llwybr Llaethog, Super Furry Animals a Gorky's Zygotic Mynci.

Rhwng 1988 a 1997, rhyddhaodd tua 80 o recordiau cyn iddo ymrannu yn ddau gwmni, sef 'Rheoli Ankst Management Ltd.' (sy'n cael ei redeg gan Alun Llwyd a Gruffudd Jones ac sy'n gyfrifol am edrych ar ôl y Super Furry Animals, Gorky's Zygotic Mynci, The Longcut, ac am gyfnod, Cerys Matthews) ac Ankstmusik, y label.

Ankstmusik[golygu]

Mae'r label Ankstmusik (sydd heddiw wedi ei lleoli ym Mhentraeth ar Ynys Môn ac yn cael ei redeg gan Emyr Williams), yn rhyddhau recordiau gan fandiau megis Datblygu y Tystion, Ectogram, Zabrinski, Rheinallt H Rowlands, MC Mabon a Wendykurk.