Dryw

Oddi ar Wicipedia
Neidio i: llywio, chwilio
Dryw
Dosbarthiad gwyddonol
Teyrnas: Animalia
Ffylwm: Chordata
Dosbarth: Aves
Urdd: Passeriformes
Teulu: Troglodytidae
Genws: Troglodytes
Rhywogaeth: T. troglodytes
Enw deuenwol
Troglodytes troglodytes
(Linnaeus, 1758)
Troglodytes troglodytes
Gweler hefyd Dryw (gwahaniaethu).

Mae'r Dryw (Troglodytes troglodytes ) yn aelod o deulu'r Troglodytidae, y drywod. Mae'n aderyn cyffredin ac adnabyddus trwy Ewrop a rhan helaeth o Asia yn ogystal a Gogledd America. Y Dryw yw'r unig aelod o'r teulu sydd i'w gael tu allan i America.

Nid yw'r Dryw yn aderyn mudol fel rheol, ond mae'r adar sy'n nythu yn y gogledd yn symud tua'r de. Mae'n aderyn bychan, 9-10.5 cm o hyd, gyda plu browngoch a barrau du. Mae'r gynffon fer yn cael ei dal ar i fyny fel rheol, ac mae llinell welw uwchben y llygad.

Ei brif fwyd yw pryfed o wahanol fathau, ac mae'n medru mynd i mewn i gilfachau mewn creigiau i'w hela. O'r arfer yma y daw'r enw Lladin "Troglodytes", sef "preswyliwr ogof".

Mae'r Dryw yn aderyn cyffredin iawn yng Nghymru ac mae'n bresennol mewn pob math o gynefin, hyd yn oed yn uchel yn y mynyddoedd.

Cysylltiad allanol[golygu]