Arthur Hughes
Oddi ar Wicipedia
Golygydd a llenor Cymreig oedd Arthur Hughes (1878 - 1965), a gofir fel golygydd dwy flodeugerdd ac fel gŵr a gyfranodd yn sylweddol i fywyd diwyllianol Y Wladfa ym Mhatagonia.
Ganed Arthur Huhges yn Nhalsarnau, Meirionnydd yn 1878, yn fab i'r meddyg John Hughes Jones a'i wraig Annie, sy'n fwy adnabyddus wrth ei henw barddol Gwyneth Vaughan.
Roedd yn feirniad llenyddol craff a ymddiddorai mewn barddoniaeth Gymraeg. Golygodd ddwy flodeugerdd bwysig yn y 1900au, sef Cywyddau Cymru (1909) a Gemau'r Gogynfeirdd (1910). Ymfudodd i Batagonia y flwyddyn wedyn a bu'n byw yno am weddill ei oes. Ysgrifenodd nifer o erthyglau i gylchgronau Cymraeg.
[golygu] Llyfryddiaeth
- Golygydd
- Cywyddau Cymru (Jarvis a Foster, Bangor, 1909; ail argraffiad, Bangor 1926)
- Gemau'r Gogynfeirdd (1910)
- Erthygl amdano
- Thomas Parry, 'Arthur Hughes', Taliesin, rhif 38, 1979.
