Afon Tamar

Afon Tamer, gyda'r enwau mewn Cernyweg.

Afon yn ne-orllewin gwledydd Prydain yw Afon Tamar. Mae ei chwrs yn ffurfio'r rhan fwyaf o'r ffin rhwng Cernyw a Dyfnaint.

Trên sy'n croesi pont dŵr Calstock ar Afon Tamar. Mae'r bont yn cario'r brif reilffordd sy'n cysylltu Cernyw â gweddill Prydain.

O'i tharddle rhwng Bude (Cernyw) a Clovelly (Dyfnaint) mae hi'n rhedeg ar gwrs deheuol bron ar draws penrhyn y de-orllewin gan groesi rhosdir Gwaun Bodmin a llifo i Fôr Udd ger Plymouth mewn aber eang sy'n ffurfio un o angorfeydd gorau gwledydd Prydain.

Yn 936, nodir i Athelstan osod Afon Tamar fel ffin orllewinol Wessex. Hyd heddiw mae'r afon yn nodi'r ffin rhwng Cernyw a Dyfnaint am y rhan fwyaf o'i chwrs.