Afon Medjerda

Oddi ar Wicipedia
Neidio i: llywio, chwilio
Afon Medjerda ger Testour

Mae Afon Medjerda (Arabeg: مجردة‎ Oued Medjerda) yn afon sy'n llifo yn bennaf yn Nhiwnisia, gogledd Affrica. Ei hyd yw 416 km (350 km yn Nhiwnisia).

Mae Afon Medjerda yn tarddu ger Souk-Ahras (dros y ffin yn Algeria) ac yna mae'n llifo i gyfeiriad y dwyrain i aberu yn y Môr Canoldir (ger Gwlff Tiwnis). I'r gogledd mae mynyddoedd y Kroumirie. Dyma'e afon barhaol fwyaf yn Nhiwnisia, er ei bod yn dioddef gwahaniaethau mawr yn ei maint yn ôl y tymor.

Oherwydd ei thir alwfial, dyffryn Medjerda yw un o'r ardaloedd mwyaf ffrwythlon yn y wlad. Mae dŵr yr afon - sy'n adnodd prin yn y wlad - yn cael ei defnyddio i'r eithaf trwy gyfres o cynlluniau trydan dŵr ac argaeau.

Am ei bod yn afon strategol bywsig mae hi wedi gweld ei rhan o hanes. Ceir dinas Rufeinig Bulla Regia yn y gogledd a dinasoedd Uttica, Carthago a Nhiwnis (Bagradas y Rhufeiniaid) ger eu haber.

Dinasoedd a threfi ger ei glannau (Tiwnisia)[golygu]