Ghardimaou

Oddi ar Wicipedia
Neidio i: llywio, chwilio
Hen lun o orsaf trenau Ghardimaou

Mae Ghardimaou neu Ghardimao (Arabeg: غار الدماء) yn ddinas yng ngogledd-orllewin Tiwnisia sy'n gorwedd 192 km i'r dwyrain o'r brifddinas Tiwnis.

Mae Ghardimaou yn rhan o dalaith Jendouba, a chanolfan yr ardal leol (délégation) sydd gyda phoblogaeth o 67,955. Mae tua 19,688 o bobl yn byw yn Ghardimaou ei hun.

Ghardimaou yw'r arosfa olaf ar y rheilffordd o Diwnis a adeiladwyd gan Ffrainc yn 1878; mae gwasanaeth traws-Maghreb yr Al-Maghreb al-Arabi yn pasio trwy'r ddinas unwaith eto erbyn heddiw, ar ôl cyfnod hir heb redeg oherwydd y rhyfel cartref yn Algeria. Y ddinas yw'r lle mawr olaf yn nyffryn Medjerda cyn cyrraedd y ffin ag Algeria (16 km i'r gorllewin).

Yng nghyffiniau Ghardimaou ceir dau safle archaeolegol Rhufeinig diddorol, sef tref a chwarel Chemtou a dinas fechan Thubernica. Mae bryniau'r Kroumirie yn codi o gwmpas y ddinas.