Ynysoedd Andaman

Oddi ar Wicipedia
Jump to navigation Jump to search
Ynysoedd Andaman
Andaman Islands.PNG
Mathynysfor Edit this on Wikidata
Daearyddiaeth
Rhan o'r canlynolAndaman and Nicobar Islands Edit this on Wikidata
GwladIndia Edit this on Wikidata
Arwynebedd6,408 km² Edit this on Wikidata
Uwch y môr732 metr Edit this on Wikidata
GerllawBae Bengal Edit this on Wikidata
Cyfesurynnau12.5°N 92.75°E Edit this on Wikidata
Map o leoliad Ynysoedd Andaman yn Ne Ddwyrain Asia.

Ynysfor ym Mae Bengal yng ngogledd ddwyrain Cefnfor India yw Ynysoedd Andaman. Lleolir rhwng is-gyfandir India i'r gorllewin a'r gogledd orllewin, Byrma i'r gogledd a'r dwyrain, a Gorynys Maleia a Sumatra i'r de ddwyrain. Gelwir y corff o ddŵr rhwng yr ynysfor a de Byrma yn Fôr Andaman. Ynghyd ag Ynysoedd Nicobar, sy'n gorwedd rhwng yr Andaman a Sumatra, maent yn ffurfio tiriogaeth Ynysoedd Andaman a Nicobar yng Ngweriniaeth yr India. Mae'r ynysfor yn cynnwys mwy na 300 o ynysoedd a chanddynt arwynebedd cyfunedig o 6,408 km2. Y tair ynys fwyaf ydy Gogledd Andaman, Andaman Ganol, a De Andaman, a elwir gyda'i gilydd yn Andaman Fawr. Port Blair yn Ne Andaman yw prifddinas Ynysoedd Andaman a Nicobar.

Poblogaeth yr ynysoed yn 2011 oedd 343,125.[1] Pobloedd brodorol yw'r mwyafrif o'r trigolion, ac mae tri ohonynt – y Sentinal, y Jarawa, a'r Onge – yn dal i fyw fel helwyr-gasglwyr. Amaeth yw prif diwydiant yr ynysoedd, a thyfir ŷd, codlysiau, cnau coco, cnau betel, ffrwythau, casafa, tsilis, a thyrmerig. O ran cludiant, De Andaman ydy'r unig ynys a chanddi ffyrdd, ac mae agerlong yn cysylltu Port Blair ag ynysoedd Gogledd Andaman, Andaman Ganol, De Andaman, ac Andaman Fach.[2]

Cyfeiriadau[golygu | golygu cod y dudalen]

  1. (Saesneg) "Provisional Population Totals (2011): Andaman and Nicobar Islands", Cyfrifiad India. Adalwyd ar 9 Chwefror 2019.
  2. (Saesneg) Andaman Islands. Encyclopædia Britannica. Adalwyd ar 9 Chwefror 2019.