Wyn Thomas (actor)
| Wyn Thomas | |
|---|---|
| Ganwyd | 21 Tachwedd 1928  Penparcau |
| Bu farw | 14 Ionawr 2017 |
| Dinasyddiaeth |  Cymru |
| Galwedigaeth | pensaer |
Actor radio a phensaer o Gymru oedd Wyn Thomas (21 Rhagfyr 1928 – 14 Ionawr 2017)[1] a gydnabyddir yn un o'r actorion radio cynharaf i weithio drwy gyfrwng y Gymraeg. Roedd yn un o sefydlwyr Theatr Fach y Gegin yng Nghricieth.
Bywyd cynnar
[golygu | golygu cod]Ganwyd ym Mhenparcau ger Aberystwyth a bu'n byw ym Mae Colwyn a Llundain, cyn ymgartrefu yng Nghaerdydd.
Yn 14 oed, cafodd ei gyfweliad cyntaf ar gyfer dramâu radio a bu'n actor ar radio drwy gyfrwng y Gymraeg a'r Saesneg am ddegawdau. Bu'n cydweithio gydag actorion amlwg fel Siân Phillips, a Myfanwy Talog.[2]
Gyrfa
[golygu | golygu cod]Roedd yn chwarae rhan Alec ar y gyfres radio SOS Galw Gari Tryfan, drama dditectif a ddarlledwyd gan y BBC yng y 1950au. Dywedodd y darlledwr Hywel Gwynfryn fod y gyfres yn "un o'r cyfresi mwyaf cyffrous fu ar y radio erioed" a roedd Wyn yn "arloeswr ym myd actio yn nyddiau cynnar dramau radio yng Nghymru".
Roedd yn bensaer wrth ei alwedigaeth, a cafodd ei ddisgrifio gan Sefydliad Tirwedd Cymru fel y pensaer tirwedd a oedd wedi gwneud y cyfraniad mwyaf yn hanes Cymru.[2]
Bywyd personol
[golygu | golygu cod]Priododd Anne Thomas a chawsant bedwar plentyn: Sion, Sara, Rhys a Nia a saith wyr: Alus, Beth, Wil, Harri, Elis, Nansi ac Ifan.[2] Bu farw yn Ysbyty Athrofaol Cymru, Caerdydd, 14 Ionawr 2017.[3]
Cynyrchiadau
[golygu | golygu cod]Theatr
[golygu | golygu cod]Dramâu Radio
[golygu | golygu cod]- SOS Galw Gari Tryfan (1950au)
- Caligula (1967)
Cyfeiriadau
[golygu | golygu cod]- ↑ Find a Grave; adalwyd 26 Mai 2025
- ↑ 2.0 2.1 2.2 Cofio actor radio arloesol 'SOS Galw Gari Tryfan' , BBC Cymru Fyw, 19 Ionawr 2017.
- ↑ "The obituary notice of Wyn Thomas", Funeral Notices; adalwyd 26 Mai 2025