Tim Rishton

Oddi ar Wicipedia
Tim Rishton
DinasyddiaethNorwy Edit this on Wikidata
Galwedigaethcerddolegydd, organydd Edit this on Wikidata

Mae Tim Rishton yn gerddor (organydd), awdur a darlledwr.

A'i haniadau ym Môn (bu'r teulu'n cadw gefail Tregain gerllaw Llangefni) cafodd Rishton ei eni yng Ngogledd Lloegr.

Ar ôl iddo astudio gyda'r organyddes enwog o Awstria Susi Jeans, dychwelodd i Fôn yn yr 1980au yn Organydd Caergybi ac yn diwtor yng Ngholeg Prifysgol Gogledd Cymru ym Mangor, lle y cymerodd gradd doethur (PhD) mewn cerddoriaeth. Yn ogystal â chyngerddau yng Nghymru a thramor, dechreuodd Rishton ddarlledu a recordio - gan gynnwys cydweithio gydag Aled Jones i wneud rhaglenni HTV a recordiad gyntaf Aled ("Hear my Prayer" a gyhoeddwyd gan Sain).

Symudodd wedyn i Norwy a gweithio fel Athro yng Ngholeg Prifysgol Tromsø a swyddog cerddoriaeth yn Esgobaeth Gogledd Hålogaland. Erbyn hyn mae hefyd yn Gyfarwyddwr astudiaethau cerddoriaeth gydol oes ym Mhrifysgol Gaerhirfryn, ond mae'n parhau i fod yn aelod o Orsedd y Beirdd a Llys yr Eisteddfod.

Mae wedi ysgrifennu sawl llyfr ac erthyglau lawer, y rhan fwyaf ohonynt wedi eu hysgrifennu yn Norwyeg. Ar hyn o bryd mae'n ysgrifennu llyfr newydd am gerddoriaeth 1400-1800 ar gyfer gwasg yn Norwy ond mae llyfr yn y Gymraeg ar y gweill hefyd. Cyhoeddwyd hefyd nifer o recordiadau; cerddoriaeth gynnar yn arbennig.

Ymddiddora'n arbennig mewn cerddoriaeth mewn eglwysi a chapeli pentref, ac mae'n well ganddo gynnal cyngherddau mewn pentrefi nac mewn dinasoedd a neuaddau cyngerdd mawrion. Mae ei ddatganiadau organ a'i recordiadau'n dra boblogaidd yn yr Almaen ac yn Norwy ond y mae'n weithgar ledled Ewrop a'r Unol Daleithiau.

Gan nad yw'n credu y dylai cerddoriaeth fod yn destun cystadleuaeth, nid yw Tim yn cymryd rhan mewn cystadleuthau.

Gweler hefyd[golygu | golygu cod]

  • International Who's Who in Music (11th edition) (Cambridge, 1988), p. 774
  • Bywgraffiad yng nghylchgrawn Romsdals Budstikke 19 Awst 1995, 16-17
  • Bywgraffiad yng nghylchgrawn Åndalsnes Avis, 5 Chwefror 1994, 8-9
  • Tim Rishton, Joyful Noise? The Why, What and How of music in church. Rhagair gan George Carey. Skipton: Holy Trinity Press, 2006
  • Tim Rishton, Liturgisk orgelspill. Stavanger: Cantando, 1996

Dolen allanol[golygu | golygu cod]