Thomas Phillips Price

Oddi ar Wicipedia
Jump to navigation Jump to search
Thomas Phillips Price
Thomas-Phillips-Price.jpg
Ganwyd 1844 Edit this on Wikidata
Bu farw 28 Mehefin 1932 Edit this on Wikidata
Dinasyddiaeth Y Deyrnas Unedig, Teyrnas Unedig Prydain Fawr ac Iwerddon Edit this on Wikidata
Alma mater
Galwedigaeth cyfreithiwr, gwleidydd Edit this on Wikidata
Swydd Aelod o 25ain Senedd y Deyrnas Unedig, Aelod o 24ain Senedd y Deyrnas Unedig, Aelod o 23ain Senedd y Deyrnas Unedig Edit this on Wikidata
Plaid Wleidyddol Plaid Ryddfrydol Edit this on Wikidata

Roedd Thomas Phillips Price (184428 Mehefin, 1932) yn fargyfreithiwr, yn dirfeddiannwr, ac yn wleidydd Rhyddfrydol Cymreig a wasanaethodd fel Aelod Seneddol Gogledd Sir Fynwy.

Bywyd personol[golygu | golygu cod y dudalen]

Ganwyd Price yn Llanarth, Sir Fynwy, yn fab i'r Parchedig William Price, offeiriad y plwyf, a Mary ei wraig. Fe'i bedyddiwyd yn Eglwys Plwyf Llanarth ym mis Awst 1844.[1] Cafodd ei addysgu yng Ngholeg Caerwynt a Choleg y Brifysgol, Rhydychen.[2]

Bu'n briod dair gwaith. Priododd Frances Anne Rowlett, merch y Parch. Ganon J. C. Rowlett, Caerwysg, ym 1882[3]; bu hi farw ym 1897. Ym 1899 priododd Florence Cecilia Konstamm, merch Berman Konstam, marsiandwr o Pimlico, Llundain;[4] bu hi farw ym 1926. Ym 1927 priododd Mary Elizabeth Swann, merch y Gwir Barch. Robert Swann, Deon Nassau.[5]

Gyrfa[golygu | golygu cod y dudalen]

Galwyd Price i'r Bar yn y Deml Fewnol ym 1869.

Ym 1867 etifeddodd Price ffortiwn ei ewyrth Thomas Price a rhan mewn mwyngloddiau yn Sir Gaerloyw a Dyffryn Aman.[6] Ategodd at ei ddiddordebau mwynol trwy agor pyllau glo yn Llanhiledd ac Ebbw Fach. Fe adeiladodd rheilffordd a glanfa ym Mrynbuga a bu'n gyfrifol am ddatblygu ac ehangu ystâd Llys Triley yn y Fenni.

Bu'n gwasanaethu fel Capten ym Milisia Sir Fynwy hyd ymddiswyddo o'i gomisiwn ym 1883.[7]

Ym 1898 brynodd Marks Hall, plasty Jacobiaid ac ystâd ger Coggeshall yn Essex; gwnaeth darpariaeth yn ei ewyllys i adael y stad i'r genedl er lles amaethyddiaeth, coedyddiaeth a choedwigaeth.[8]

Bu'n gwasanaethu fel ynad heddwch yn Sir Fynwy a Swydd Essex.[9]

Gyrfa wleidyddol[golygu | golygu cod y dudalen]

Ym 1882 gwasanaethodd Phillips fel Uchel Siryf Sir Fynwy.[10] Bu yn weithgar dros yr achos Rhyddfrydol yn etholaeth Sir Fynwy yn etholiad cyffredinol 1880 a bu yn gweithredu fel Llywydd Cymdeithas Ryddfrydol Casnewydd; cafodd ei enwebu i sefyll fel yr ymgeisydd Rhyddfrydol yn sedd newydd Gogledd Sir Fynwy ar gyfer etholiad cyffredinol 1885,[11] gan ennill y sedd[12] a'i gadw hyd ei ymddeoliad o'r Senedd ym 1895.[13]

Wedi ymneilltuo o'r senedd, symudodd i fyw i Essex lle fu'n gwasanaethu fel cynghorydd sir dros ward Coggeshall o 1903; fe fu hefyd yn aelod o'r awdurdod addysg y sir.[14]

Marwolaeth[golygu | golygu cod y dudalen]

Bu farw yn ei gartref, Marks Hall, yn 88 mlwydd oed, a chladdwyd ei weddillion ym mynwent Eglwys Marks Tey.[15]

Cyfeiriadau[golygu | golygu cod y dudalen]

  1. Cofrestr Bedydd Llanarth 1844 T52 Rhif409 (Gwasanaethau Archifau Cymru)
  2. "TheWelshMembers – The Cardiff Times". David Duncan and William Ward. 1892-08-06. Cyrchwyd 2015-07-04.
  3. "FamilyNotices – Monmouthshire Merlin". Charles Hough. 1882-01-20. Cyrchwyd 2015-07-04.
  4. "SOUTHWALESWEDDING – Evening Express". Walter Alfred Pearce. 1899-07-12. Cyrchwyd 2015-07-04.
  5. Chelmsford Chronicle 23 Medi 1927 Court and Social
  6. "onilJirteHrgettceI – The Cardiff Times". David Duncan and William Ward. 1867-07-20. Cyrchwyd 2015-07-04.
  7. "SWANSEAANDDISTRICTNEWS – The Cambrian". T. Jenkins. 1883-04-06. Cyrchwyd 2015-07-04.
  8. Marks Hall – Thomas Phillips Price [1] adalwyd 4 Gorffennaf 2015
  9. Chelmsford Chronicle 01 Gorffennaf 1932 Death of T P Price JP
  10. "ENWI UCHEL SIRYDDION – Y Gwyliedydd". Amos Brothers. 1881-11-23. Cyrchwyd 2015-07-04.
  11. "THE LIBERAL CANDIDATES FOR MONMOUTHSHIRE – South Wales Echo". Jones & Son. 1885-08-22. Cyrchwyd 2015-07-04.
  12. "YR ETHOLIAD – Y Genedl Gymreig". Thomas Jones. 1885-12-09. Cyrchwyd 2015-07-04.
  13. "YR ETHOLIADAU YNG NGHYMRU – Baner ac Amserau Cymru". Thomas Gee. 1895-07-27. Cyrchwyd 2015-07-04.
  14. Chelmsford Chronicle 01 Gorffennaf 1932 Death of T P Price JP
  15. Chelmsford Chronicle 08 July 1932 The late T P Price JP funeral at Marks Tey
Senedd y Deyrnas Unedig
Rhagflaenydd:
etholaeth newydd
Aelod Seneddol Gogledd Sir Fynwy
18851895
Olynydd:
Reginald McKenna