Thomas Mansel, Barwn 1af Mansel

Oddi ar Wicipedia
Jump to navigation Jump to search
Thomas Mansel, Barwn 1af Mansel
Ganwyd 1668 Edit this on Wikidata
Bu farw 10 Rhagfyr 1723 Edit this on Wikidata
Alma mater
Galwedigaeth Gwleidydd Edit this on Wikidata
Swydd Aelod o Senedd Prydain Fawr, Aelod Seneddol yn Senedd Lloegr Edit this on Wikidata
Plaid Wleidyddol Tori Edit this on Wikidata
Tad Edward Mansel Edit this on Wikidata
Plant Robert Mansel Edit this on Wikidata
Arfbais Mansel

Roedd Thomas Mansel, Barwn 1af Mansel o Fargam (neu Mansell) (c 1668 -10 Rhagfyr, 1723) yn Aelod Seneddol dros Gaerdydd a Morgannwg ac yna'n bendefig Cymreig.[1]

Hanes personol[golygu | golygu cod y dudalen]

Roedd Mansel yn fab i Syr Edward Mansel, 4ydd Barwnig, o Abaty Margam, Morgannwg, Aelod Seneddol Morgannwg ar dri achlysur rhwng 1660 a 1689, a Martha Carne, ei wraig. Hen daid Mansel oedd Henry Montagu, Iarll 1af Manceinion.

Derbyniodd ei addysg yng Ngholeg yr Iesu, Rhydychen, lle a graddiodd BA ym 1686 ac MA ym 1699.

Priododd Martha Millington ym 1686, a bu iddynt chwech o blant, gan gynnwys Christopher Mansel, 3ydd Barwn Mansel a Bussy Mansel, 4ydd Barwn Mansel.

Gyrfa wleidyddol[golygu | golygu cod y dudalen]

Ym 1689 safodd Mansel fel ymgeisydd yn etholaeth Caerdydd gan gael ei ethol fel Aelod Seneddol Torïaidd. Daliodd y sedd hyd 1698, pan enillodd sedd Sir Forgannwg.

Ym 1704 fe'i penodwyd i swydd Is-Lyngesydd Deheubarth Cymru ac yn yr un flwyddyn fe'i penodwyd yn Rheolwr yr Aelwyd i'r Frenhines Anne, swydd y bu ynddi hyd 1708. Yn rhinwedd ei swydd fel Goruchwyliwr yr Aelwyd, fe'i urddwyd yn aelod o’r Cyfrin Gyngor. O 1710-1711 bu'n Gomisiynydd y Trysorlys, ac o 1712 hyd 1714, bu'n Gyfrifydd y Trysorlys.

Gwasanaethodd fel Uchel Siryf Morgannwg yn 1701. Ar 17 Tachwedd, 1706, ar farwolaeth ei dad Edward, daeth Mansel yn 5ed Barwnig Mansel o Fargam. Ar 1 Ionawr 1712 fe'i dyrchafwyd i'r bendefigaeth fel y Barwn 1af Mansel o Fargam, gan ganiatáu iddo gymryd sedd yn Nhŷ'r Arglwyddi.

Dolenni allanol[golygu | golygu cod y dudalen]

Portread o Thomas Mansel gan Michael Dahl I ar BBC Your Paintings [2]

Cyfeiriadau[golygu | golygu cod y dudalen]

  1. Y Bywgraffiadur Cymreig, MANSEL (TEULU), Oxwich , Penrice , a Margam , Sir Forgannwg[1] adalwyd 19 Awst 2015
Senedd y Deyrnas Unedig
Rhagflaenydd:
Francis Gwyn
Aelod Seneddol Caerdydd
16891698
Olynydd:
Edward Stradling
Rhagflaenydd:
Bussy Mansel
Aelod Seneddol Sir Forgannwg
16991712
Olynydd:
Robert Jones (AS Morgannwg)
Teitlau Anrhydeddus
Rhagflaenydd:
Syr John Thomas, Gwenfô
Uchel Siryf Morgannwg
1701
Olynydd:
Oliver St.John
Teitlau Pendefigaeth/Bonheddig
Rhagflaenydd:
Barwniaeth newydd
Barwn Mansel
1712 - 1723
Olynydd:
Thomas Mansel