The Surrey with the Fringe on Top

Oddi ar Wicipedia
Jump to navigation Jump to search

Mae The Surrey with the Fringe on Top yn gân o'r sioe gerdd Oklahoma! a'r ffilm o'r un enw a ysgrifennwyd gan y cyfansoddwr Richard Rodgers a'r libretydd Oscar Hammerstein II. [1]

Cerbyd Surrey[golygu | golygu cod y dudalen]

Cerbyd Surrey

Mae cerbyd Surrey yn gert pedwar olwyn, heb ddrysau a ddyfeisiwyd yn Swydd Surrey, Lloegr. Mae'r Surrey yn y ffilm Oklahoma (1955) yn cael ei dynnu gan ddau geffyl. Daeth y cerbyd Surrey yn boblogaidd iawn yn yr Unol Daleithiau yn niwedd y 19 ganrif a dechrau'r 20 ganrif. [2] Roedd gan y cerbyd lle i eistedd pedwar, gyrrwr a chymar yn y tu blaen a dau gyd deithiwr mewn set y tu ôl iddynt. Pan ddyfeisiwyd y car modur defnyddiwyd trefn eistedd y Surrey ar ei gyfer, y drefn sy'n dal i gael ei ddefnyddio mewn y rhan fwyaf o geir hyd heddiw. Roedd modd cael cerbydau Surrey efo nifer o wahanol dopiau, rhai cadarn, rhai ar siâp parasol, rhai oedd modd i'w ymestyn i'w cau ac agor. Roedd gan Surrey Oklahoma! top ar ffurf canopi wedi ei wneud o ddeunydd wedi ei rhidennu ar hyd ei ymylon.

Cyd-destun[golygu | golygu cod y dudalen]

The Surrey with the Fringe on Top yw ail gerdd y sioe. Mae'r prif gymeriad gwrywaidd, Curly, yn gofyn i'w gariad Laurey i fynd i ddawns gydag ef. Mae hi'n gwrthod gan ei bod hi wedi pechu bod Curly wedi aros tan fore'r ddawns cyn gofyn. Er mwyn ceisio cael hi i newid ei meddwl mae Curly yn canu am y cerbyd crand mae o wedi archebu i fynd a hi yno:

The wheels are yellow, the upholstry's brown
The dashboard's genuine leather
With eisenglass curtains you can roll right down
In case there's a change in the weather
Two bright side lights winkin' and blinkin'
Ain't no finer rig I'm a thinkin'
You can keep your rig if you're thinkin that I'd keer to swap
Fer that shiny little surrey with the fringe on the top [3]

Mae Laurey yn gwneud hwyl am y syniad o gerbyd crand gan brofocio Curly i ddweud ei fod yn cellwair am y cerbyd ac nad yw'n bodoli. Mae Laurey yn cerdded i ffwrdd, heb sylweddoli bod Curly wedi rhentu'r fath gerbyd mewn gwirionedd.

Ar ddiwedd y sioe mae Laurey a Curly yn ymadael yn y cerbyd gyda rhidens ar ei dop ar gyfer mynd ar eu mis mêl.

Hanes recordio[golygu | golygu cod y dudalen]

Cafodd y gân ei ganu a'i recordio gyntaf gan Alfred Drake a Joan Roberts ym 1943. Ers hynny mae wedi cael ei recordio gan nifer o artistiaid eraill gan gynnwys Gordon MacRae a Shirley Jones ar gyfer y fersiwn ffilm 1955. Mae hefyd wedi ei recordio gan Doris Day, Frank Sinatra, Ahmad Jamal, Peggy Lee ac Andy Williams ymysg lawer. [4] Mae'r dôn yn arbennig o boblogaidd ymysg cerddorion Jazz [5]

Dolenni allanol[golygu | golygu cod y dudalen]

Fideo YouTube o'r gân allan o'r ffilm Oklahoma! (1955)

Cyfeiriadau[golygu | golygu cod y dudalen]

  1. Roden, Timothy; Wright, Craig; Simms, Bryan (17 Ebrill 2009). Anthology for Music in Western Civilization. Cengage Learning. p. 1714. ISBN 1-111-78420-5.
  2. Encyclopædia Britannica - Surrey Carriage adalwyd 30 Ionawr 2019
  3. Lyrics Reg The Surrey with the Fringe on Top adalwyd 30 Ionawr 2019
  4. Amazon Music Surrey With the Fringe On Top adalwyd 30 Ionawr 2019
  5. WRTI How "The Surrey with the Fringe on Top" Went from Show Tune to Jazz Standard adalwyd 30 Ionawr 2019